ირაკლი ალასანია აცხადებს, რომ პირადი ცხოვრების ამსახველი ვიდეო მასალები წინა ხელისუფლების დროს შეიქმნა, მაგრამ ის უკვე დღევანდელი ხელისუფლების ხელშია და შესაბამისად, ისაა პასუხისმგებელი მის გავრცელებაზე. ალასანიამ ამის თაობაზე „რუსთავი2“ -ზე "კურიერში" ბათუმიდან პირდაპირ ეთერში ჩართვისას ისაუბრა.
„ვის შეეძლო ასეთი მასალები მოეპოვებინა, ვის ხელშია საერთოდ ასეთი მასალები? და ერთადერთი პასუხი ამაზე არის ის, რომ ეს არის ხელისუფლების ხელში. წინა ხელისუფლების დროს მოხდა ამ მასალების დაგროვება, ეს იყო უმსგავსოება, რომელსაც ვებრძოდით. 2012 წელს იმიტომ შევცვალეთ ეს ხელისუფლება, მაგრამ გვეგონა, რომ პრემიერ მინისტრმა ღარიბაშვილმა, როდესაც შინაგან საქმეთა მინისტრი იყო, გაანადგურა ეს ჩანაწერები, აღმოჩნდა, რომ ეს განადგურებული არ არის. ამიტომ ეს არის გამოწვევა ორმაგი, ჩვენი ქვეყნის მთავრობისადმი და კონკრეტულად, პრემიერ მინისტრის გამოწვევა. იმიტომ, რომ მე დარწმუნებული ვარ და ზუსტად ვიცი, რომ ასევე შეიძლება მისი ცოდნის, მისი ყურადღების მიღმა არაფორმალური დავალება სპეციალური სტრუქტურებისთვის გაეცათ, მიეღოთ ეს დავალება და შეესრულებინათ ისე, რომ პრემიერ მინისტრი არც ყოფილიყო საქმის კურსში და არც შინაგან საქმეთა მინისტრი,“ განაცხადა ირაკლი ალასანიამ და დაამატა, რომ ხელისუფლება მოვალეა საქმე მიიყვანოს ბოლომდე. მისი თქმით, ამ დანაშაულის გამოძიება სრულიად შესაძლებელია.
ალასანიამ თქვა, რომ ჩანაწერის გავრცელება მისი პარტიის წინააღმდეგ მიზანმიმართული ნაბიჯი იყო, რადგან მისი პარტიის რეიტინგის ზრდა „ვიღაცას აღელვებს“.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.