მოვუწოდებ ღარიბაშვილს, გადადგას გამბედავი ნაბიჯი და დაიწყოს სერიოზული მომზადება რუსეთის ხელისუფლების უმაღლეს პირებთან შეხვედრისათვის, - ასე გამოეხმაურა კოალიცია "ნინო ბურჯანაძე - ერთიანი ოპოზიციის" ლიდერი, ნინო ბურჯანაძე, საქართველოს პრემიერ-მინისტრის განცხადებას იმასთან დაკავშირებით, რომ რუსეთი არ არის დაინტერესებული ე.წ. სამხრეთ ოსეთისა და აფხაზეთის ანექსიით.
მისი თქმით, ძალიან კარგი იქნებოდა, ნებისმიერ განცხადებას, რომელსაც პრემიერი აკეთებს, ამას ამბობდეს არა გონივრული დასკვნების შედეგად, არამედ კონკრეტული მოლაპარაკებების საფუძველზე.
"მე მივესალმები იმას, რომ "ქართული ოცნების" ლიდერი ამჯერად ცდილობს რუსეთთან ნორმალური ტონალობა შეინარჩუნოს, მაგრამ ნამდვილად ვერ მოვიწონებ იმას, რომ ამდენი ხნის განმავლობაში არ შემდგარა რაიმე ტიპის სერიოზული შეხვედრა რუსეთისა და საქართველოს ხელმძღვანელობებს შორის და პრაქტიკულად ყველა განცხადება, რომელიც კეთდება საქართველოს ხელისუფლების მხრიდან, ეს არის მხოლოდ ცარიელი სიტყვები. ცარიელი სიტყვებია ბაზრის გახსნასა და სტაბილურ ბაზართან დაკავშირებით, რადგან ჩვენ მოვისმინეთ ლუკაშევიჩის განცხადება, თუ რა შეიძლება მოხდეს 27 ივნისის შემდეგ რუსულ ბაზართან დაკავშირებით. აბსოლუტურად უსაფუძვლოა განცხადება, რომ ჩვენი რუსეთთან ურთიერთობები დალაგებულია, როცა ვხედავთ, რომ საზღვარი ყოველდღიურად გადმოდის საქართველოს სიღრმეში და ჩვენი მოსახლეობა ნამდვილად არ გრძნობს თავს დაცულად ამ მიმართულებით", - განაცხადა ბურჯანაძემ.
მისივე თქმით, ნებისმიერი განცხადება რუსეთის სურვილებთან დაკავშირებით, ასევე არაფერზე არ არის დაყრდნობილი, რადგან არ შემდგარა არც ერთი კონკრეტული მოლაპარაკება, არც ერთი შეხვედრა უმაღლეს დონეზე, რის გარეშეც ნებისმიერი განცხადების გაკეთებას, ბუნებრივია, აზრი არ აქვს.
"მე მოვუწოდებ ღარიბაშვილს, არამარტო კონსტრუქციული რიტორიკა გააგრძელოს რუსეთთან, არამედ გადადგას გამბედავი ნაბიჯი და დაიწყოს სერიოზული მომზადება რუსეთის ხელისუფლების უმაღლეს პირებთან შეხვედრისათვის. არაფერი არ გამოვა, თუ არ შედგება პირდაპირი დიალოგი რუსეთის უმაღლეს ხელისუფლებასთან, თუ არ იქნება შეხვედრა პუტინთან და თუ არ იქნება კონკრეტული შეთანხმებები", - განაცხადა ბურჯანაძემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.