ქობულეთის მუნიციპალიტეტის კულტურის სახლის საკონფერენციო დარბაზში, პროექტის „ახალგაზრდული გამგეობების“ მონაწილეთა შესარჩევი ეტაპი გაიმართა.
პროექტის მონაწილეთა შერჩევა გასაუბრების წესით მიმდინარეობდა. გასაუბრებაზე 22 პრეტენდენტიდან 12 შეირჩა, ხოლო დარჩენილი 13 ვაკანსიის შესავსებად კონკურსი რამდენიმე დღეში გამოცხადდება. კონკურსის შედეგად შერჩეული პროექტის მონაწილეები წინასწარ განსაზღვრულ სხვადასხვა თანამდებობაზე გადანაწილდებიან.
პროექტი „ახალგაზრდული გამგეობები“ ერთ წლიანია და ახალგაზრდების საზოგადოებრივ საქმიანობაში აქტიურ ჩართვას, მათში სახელმწიფო ინსტიტუტების მუშაობის ცნობადობის ამაღლებასა და საჯარო მმართველობაში გამოცდილების მიღებას ისახავს მიზნად.
ახალგაზრდული პროექტი ბათუმის ახალგაზრდული მერიისა და ორგანიზაცია „შშმ პირთა უფლებებისთის“ ინიციატივითა და ქობულეთის გამგეობის მხარდაჭერით ხორციელდება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.