ბერნი სანდერსმა დემოკრატიული პარტიის საპრეზიდენტო კანდიდატის სტატუსის მოპოვებისათვის ბრძოლაში კიდევ 3 შტატში გაიმარჯვა და ცდილობს ჰილარი ქლინთონის დღემდე არსებულ მოწინავე პოზიციებს დარტყმა მიაყენოს.
სენატორმა სანდერსმა ვაშინგტონში უდიდესი გამარჯვება მოიპოვა. მან ხმების 76% მიიღო, ჰილარი ქლინთონმა კი 24%.
ალასკაში, შეერთებული შტატების ტელევიზიების თანახმად, მან ხმების თითქმის 79% მიიღო, ქლინთონმა კი 21%.
ჰავაიში კი სანდერსმა ხმების 70%, ხოლო ქლინთონმა 30% მიიღო.
შაბათის საარჩევნო მარათონში, ვაშინგტონი ყველაზე მნიშვნელოვანი იყო, მაგრამ გამარჯვებების მიუხედავად, სანდერსს ქლინთონის წამყვანი პოზიციიდან ჩამოსატოვებლად მტკიცე ბრძოლა მოუწევს.
შაბათის კენჭისყრების ჩათვლით, ჰილარი ქლინთონს 1 243 დელეგატი, ბერნი სანდერსს კი 975 ჰყავს.
თუკი სუპერდელეგატებსაც ავიღებთ - პარტიის ოფიციალური პირები, რომელთაც შეუძლიათ ერთსაც და მეორე კანდიდატსაც დაუჭირონ მხარი - და მათ შორის, ვინც უკვე გამოაცხადა თავისი არჩევანის შესახებ, ქლინთონისა და სანდერსის მხარდამჭერი დელეგატების თანაფარდობა ასე ნაწილდება: 1 692 - 949-ზე.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.