მთიან ყარაბაღში დაპირისპირებულმა მხარეებმა ერთმანეთი ცეცხლის შეწყვეტის რეჟიმის დარღვევაში კვლავ დაადანაშაულეს.
არაღიარებული მთიანი ყარაბაღის ხელმძღვანელობის განცხადებით, შეხების ხაზის სიახლოვეს ერთი სამხედრო დაიღუპა და რამდენიმე დაშავდა.
სტეპანაკერტის ცნობით, ხაზის პერიმეტრზე აზერბაიჯანის შეიარაღებულმა ძალებმა 2 000-ზე მეტი გასროლა განახორციელეს და ნაღმტყორცნები გამოიყენეს.
თავის მხრივ, აზერბაიჯანის თავდაცვის სამინისტრომ განაცხადა, რომ გუშინ სომხეთის შეიარაღებულმა ძალებმა შეხების ხაზზე ცეცხლი 110-ჯერ გახსნეს, რა დროსაც ნაღმტყორცნები და მსხვილკალიბრიანი ტყვიამფრქვევები გამოიყენეს.
ძალოვანი უწყების ცნობით, აზერბაიჯანის შეიარაღებულმა ძალებმა საპასუხოდ მოწინააღმდეგის პოზიციებზე 114 საცეცხლე დარტყმა მიიტანეს.
თავის მხრივ, სომხეთის თავდაცვის სამინისტრომ განაცხადა, რომ გუშინ ღამის განმავლობაში აზერბაიჯანის შეიარაღებულმა ძალებმა სომხეთის ჩრდილო-აღმოსავლეთში მდებარე სამი სოფელი დაცხრილეს. ამის შესახებ უწყების პრესმდივანი არცრუნ ჰოვანისიანი „ფეისბუქის“ საკუთარ გვერდზე წერს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.