ავიაკომპანიებმა, რომლებიც უკრაინიდან საქართველოს მიმართულებით პირდაპირ რეისებს ასრულებენ, უსაფრთხოების განსაკუთრებული ზომები მიიღეს.
საგანგებო მდგომარეობის გამო, ისინი საქართველოში რეისებს თურქეთის ნეიტრალური საჰაერო სივრცის გავლით შეასრულებენ.
ინფორმაციას ადასტურებენ თბილისში, „საქართველოს აეროპორტების გაერთიანებაშიც“. მარშრუტის შეცვლის შესახებ უწყებას ინფორმაცია ავიაკომპანია Wizz Air-მა და „უკრაინის ავიახაზებმა“ მიაწოდეს.
უსაფრთხოების განსაკუთრებული ზომების მიღება გუშინ, უკრაინის ტერიტორიაზე მალაიზიური თვითმფრინავის ჩამოვარდნას უკავშირდება, რომელსაც 298 ადამიანის სიცოცხლე ემსხვერპლა.
ამერიკის შეერთებული შტატების დაზვერვის სამსახურის ინფორმაციით, სამგზავრო ბოინგს ხმელეთიდან გასროლილი რაკეტა მოხვდა, რომლის ტრაექტორია და სითბური კვალი რადარმა დააფიქსირა, თუმცა, რომელი მხრიდანაა გასროლილი ჭურვი ჯერ დაუზუსტებელია.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.