"მოგატყუებთ, რომ გითხრათ, ერთი სული მაქვს, მოვიდეს მარგველაშვილი და მისგან პასუხები მოვისმინო-მეთქი". აღნიშნულ განცხადებას საპარლამენტო უმრავლესობის ლიდერი დავით საგანელიძე გაზეთ "ყველა სიახლისთვის" მიცემულ ინტერვიუში პრეზიდენტ გიორგი მარგველაშვილის პარლამენტში მისვლასთან დაკავშირებით აკეთებს.
-"მალე პარლამენტში საანგარიშო მოხსენებით გიორგი მარგველაშვილი წარდგება. ბევრი ოხუნჯობს - პრეზიდენტის ინსტიტუტი იმდენად უფუნქციოა, რაზე უნდა ილაპარაკოსო. თქვენ თუ გექნებათ კითხვები მასთან?"
"სულაც არ მიმაჩნია ეს იუმორის თემად. ვინც ამაზე ხუმრობს, წარმოდგენა არ ჰქონია პრეზიდენტის უფლებამოსილებაზე. საკონსტიტუციო ცვლილებების თანახმად, ფუნქციები მნიშვნელოვნად გადანაწილდა მთავრობასა და პრეზიდენტს შორის. როგორც ჩანს, საზოგადოება მიჩვეული იყო ექსპრეზიდენტი სააკაშვილის ჰიპერაქტიურობას, იმას, რომ ყველაფერს მას ეკითხებოდნენ - შენობის ფერიდან და ძეგლის ფორმებიდან დაწყებული, ბიზნეს-წილების გადანაწილებით დასრულებული და მარგველაშვილის ზომიერ აქტიურობას ვერ ეგუება. დღეს პრეზიდენტი არ აძლევს თავს უფლებას, ყველაფერზე განცხადება აკეთოს, თუმცა თავის ფუნქციებს მშვენივრად ასრულებს. რაც შეეხება მის ვიზიტს პარლამენტში, ის თვითონ აირჩევს დღეს, როდის მოვა. რაც შეეხება კითხვებს, მაქვს პატივი, თუ რამე მაინტერესებს, პირადად ვკითხო. ამიტომ მოგატყუებთ, რომ გითხრათ, ერთი სული მაქვს, მოვიდეს მარგველაშვილი და მისგან პასუხები მოვისმინო-მეთქი", -ამბობს საგანელიძე.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.