არგენტინის ნაკრების კაპიტნის, ლიონელ მესის განცხადებით, ის საერთაშორისო ფეხბურთს ტოვებს.
ფეხბურთელმა ამის შესახებ მას შემდეგ განაცხადა, რაც ამერიკის თასის ფინალში არგენტინა ჩილეს ნაკრებთან დამარცხდა.
„გადაწყვეტილება უკვე მიღებულია. ძალიან მინდოდა ტიტულის მოგება ნაკრებთან ერთად და ძალიან ვწუხვარ, რომ ეს ისევ არ გამოგვივიდა. საკმაოდ მნიშვნელოვანი პენალტი ვერ გავიტანე და მორჩა. გასახდელში მივიღე გადაწყვეტილება, რომ ჩემი დრო ნაკრებში დასასრულს მიუახლოვდა. ოთხი ფინალი წავაგე. დღეს გამარჯვებას ვცდილობდით, მე ვცდილობდი, მაგრამ მოხდა ის, რაც მოხდა. მივდივარ, ასე უკეთესი იქნება ყველასთვის. ფინალში მარცხი, რა თქმა უნდა, არ გვაწყობს. ძალიან მინდოდა, არგენტინასთან ერთად ჩემპიონი გავმხდარიყავი, მაგრამ არ გამოვიდა“,-განაცხადა მესიმ.
29 წლის ლიონელ მესიმ არგენტინის ნაკრების შემადგენლობაში 112 მატჩი ითამაშა. მისი დებიუტი აღნიშნულ ნაკრებში 2005 წელს შედგა. მესი გოლების რაოდენობით (55 გოლი) არგენტინის ნაკრების რეკორდსმენია.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.