რუსთაველის მეტროსთან "საქართველოს პატრიოტთა ალიანსის" ორგანიზებით აქცია გაიმართა. როგორც ალიანსის ლიდერმა ირმა ინაშვილმა განაცხადა, ხელისუფლება არაფერს არ აკეთებს იმისთვის, რომ "ნაციონალურ მოძრაობაში" მყოფი დამნაშავეები დასაჯოს. მისივე თქმით, როდესაც მთავრობაში აცხადებენ, რომ სამართლიანობის აღდგენა თებერვლიდან დაიწყება, ეს ხალხის დაცინვაა.
"სააკაშვილი თავისუფლად დაიარება. ადეიშვილი არ დაუკავებიათ. კოჰაბიტაციის რეჟიმში უნდათ ქვეყნის მართვა, ჩვენ ამას არ შევეგუებით. ნულოვანი ტოლერანტობა "ნაციონალურ მოძრაობას". ჩვენ მათ კიდევ ერთხელ დაგვცინეს. იური ვაზაგაშვილი საკუთარი შვილის საფლავზე დააკლეს. ამას არ შევეგუებით", - განაცხადა ირმა ინაშვილმა.
აქციის წევრებმა იური ვაზაგაშვილის ხსოვნას წუთიერი დუმილით მიაგეს პატივი.
მოგვიანებით აქციამ პარლამენტის შენობასთან გადაინაცვლა. ირმა ინაშვილმა აქციის მონაწილეებს თავიანთი მოთხოვნები გააცნო, რაც გულისხმობს ვადამდელი საპარლამენტო არჩევნების ჩატარებას და ასევე სამართლიანობის აღდგენის უსწრაფესად დაწყებას.
"ყველამ ნახოს რამდენი ვართ. ჩვენ მოვედით პარლამენტთან იმიტომ, რომ მთავრობას მივაწვდინოთ ხმა, დაინახონ, რამდენი უკმაყოფილო ადამიანია. ეს ის ხალხია, რომლებიც "ნაციონალურმა მოძრაობამ" დააზარალა, ხოლო ხელისუფლებამ მათ დასაცავად არაფერი გააკეთა", - განაცხადა ირმა ინაშვილმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.