საქართველოს რეგიონული განვითარებისა და ინფრასტრუქტურის მინისტრის პირველი მოადგილე ილია დარჩიაშვილი და საავტომობილო გზების დეპარტამენტის თავმჯდომარე გიორგი სეთურიძე აჭარის რეგიონში, სტიქიის სალიკვიდაციო სამუშაოებს ადგილზე ეცნობიან.
ძლიერი წვიმის შედეგად, ჩაქვი-მახინჯაურის მარცხენა გვირაბთან, ორივე მხარეს ჩამოვიდა მიწა-კლდის მასა, რის გამოც ჩაიკეტა გვირაბის შესასვლელი და გამოსასვლელი. მოძრაობა რამდენიმე საათის მანძილზე ერთ სამოძრაო ზოლზე ხორციელდებოდა. ძლიერი წვიმისა და ქუჩების დატბორვის გამო ავტოტრანსპორტის მოძრაობა შეფერხებით მიმდინარეობდა ჩაქვში, მახინჯაურსა და ბათუში.
საქართველოს რეგიონული განვითარებისა და ინფრასტრუქტურის სამინისტროს შესაბამისი სამსახურების მუშაობის შედეგად, ჩაქვი-მახინჯაურის გვირაბში მოძრაობის აღდგენა უმოკლეს ვადებში მოხერხდა.
აჭარის რეგიონში სტიქიის სალიკვიდაციო სამუშაოები ინტენსიურ რეჟიმში გრძელდება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.