შალვა ნათელაშვილი ყოფილ პრემიერ მინისტრს ბიძინა ივანიშვილს და საქართველოს დღევანდელ ხელისუფლებას „პრო-პუტინისტურს“ უწოდებს და ამბობს, რომ „ჩვენ გვყავს პუტინის მონა ხელისუფალი“, რომელიც რუსეთის დღევანდელი პრეზიდენტის ნებისმიერ დავალებას შეასრულებს.
ამის შესახებ ლეიბორისტული პარტიის ლიდერმა „რუსთავი 2“ -ის ეთერში „შაბათის კურიერში“ ისაუბრა იმ შეკითხვის საპასუხოდ, რომელიც საქართველოს საგანგებო და სრულუფლებიანი ელჩის შეერთებულ შტატებში, არჩილ გეგეშიძის განცხადებას ეხებოდა. ნათელაშვილმა ივანიშვილის ქართულ პოლიტიკაში ჩართვის მისეულ ვერსიაზეც ისაუბრა.
„ელჩმა თქვა ნახევრად სიმართლე, იმიტომ, რომ ხელისუფლებაში არიან არა მარტო პრო-რუსული ძალები, არამედ მთლიანად ხელისუფლებაა პრო-პუტინისტური. მე მოგიყვებით ახლა ექსკლუზივს, ერთ ძალიან სერიოზულ ამბავს, როგორ გადაწყდა ივანიშვილის შემოსვლა ქართულ პოლიტიკაში. ერთ-ერთ შეკრებაზე, ასე ვთქვათ, რუსები რომ ეძახიან „სხადნიაკზე“ ბატონ პუტინთან, დერიპასკას ჰკითხა ვლადიმერ ვლადიმეროვიჩმა: „ა გდე ეტა ტვოი დრუგ, ია ეგო შტანუ სნიმუ“, მე მას შარვალს გავხდიო, სად არისო შენი ძმაკაციო, რომელსაც აქ ფული გავაკეთებინეთო, რუსეთშიო და ასეც მოხდა ხო? და ის ერჩივნა, შარვლის გახდა ერჩივნა ივანიშვილს, ნამუსის ახდას, რაც მას მას დაემართა, აი ამ პუტინის რეკო... (სიტყვას ნახევრად ამბობს). აი ეხლა სწორად გამიგეთ. ჩვენ გვაწყობს პუტინის და რუსეთის მეგობარი, კი, ბატონო, ხელისუფლება, რომელიც დაიწყებს რუსეთთან მუშაობას, რის შემდეგაც აღარ წაიყვანენ ჯონჯოლის საკრეფად წასულ ჩვენ გლეხებს ცხინვალის იზოლატორში, რის შემდეგაც აღარ დაიწყება ბორდერიზაცია, რის შემდეგაც დაიწყება ტერიტორიული ინტეგრაცია, ჩამოვა დელეგაციები ცხინვალიდან, ჩამოვა დელეგაციები სოხუმიდან, ჩავალთ ჩვენ იქ, აღვადგენთ ძმობის და მეგობრობის ხიდებს. ასეთი რუსული, რუსეთის მეგობარი მთავრობა, კი, ბატონო, რაზეა საუბარი, რომელიც უვიზო რეჟიმს დააწესებს რუსეთთან, რომელიც დაგვიბრუნებს რუსეთის ბაზარს, მაგრამ ჩვენ გვყავს პუტინის მონა ხელისუფალი, მონა, რომელიც არ არის მისი არც პარტნიორი და არც მეგობარი და რომელიც რასაც უბრძანებს, იმას გააკეთებს. აგერ, ვასილ მჟავანაძეს უბრძანა ხრუშჩოვმა ქართველების გადასახლება შუა აზიაში და მჟავანაძემ იმდენი ქნა, რომ გადატრიალება მოუწყო ნიკიტა ხრუშჩოვს, აქვე დააპატიმრეს - სოჭა-ბიჭვინთაში ისვენებდა - ჩაიყვანეს პლენუმზე და გაუშვეს მოუსავლეთში, პოლიტიკურ მოუსავლეთში. აი, ასეთი ხელმძღვანელები გვყავდა მაშინაც კი, საბჭოთა კავშირის დროს და დღეს ივანიშვილს რომ უბრძანოს საქართველოს გასახლება პუტინმა შუა აზიასა თუ შუა აზიის იქით თუ აქეთ, დარწმუნებული ვარ, ხმას არ ამოიღებს, კნავილს ვერ გავიგებთ მისას“, - განაცხადა შალვა ნათელაშვილმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.