რიო-დე-ჟანეიროში მიმდინარე ოლიმპიადაზე 90 კგ-მდე წონით კატეგორიაში მოასპარეზე ძიუდოისტი ვარლამ ლიპარტელიანი ფინალში იაპონელ მაშუ ბეიკერთან დამარცხდა და ვერცხლის მედალი ერგო. ლიპარტელიანის მეტოქემ გამარჯვება მცირე უპირატესობით მოიპოვა.
მანამდე ლიპარტელიანმა ნახევარფინალში, მსოფლიოს მოქმედ ჩემპიონთან, კორეელ დონჰან გვაკთან შეხვედრისას გამარჯვება იპონით მოიპოვა, უფრო ადრე კი მონღოლ ოგტონბაატარ ლხაგვასურენთან გამართულ მეოთხედფინალურ შეხვედრაში გაიმარჯვა.
ლიპარტელიანი პირველ წრეში ისვენებდა, მეორეში კი მან ჯერ ტაჯიკი კომრონშოკ უსტოპირიონი შებოჭა, შემდეგ კი - ნაურუელი ოვინი უერა.
რიოს 2016 წლის ოლიმპიადის პირდაპირ ტელერეპორტაჟს საქართველოს საზოგადოებრივი მაუწყებლის "პირველი არხი" წარმოადგენს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.