საპარლამენტო უმრავლესობის წევრი თედო ჯაფარიძე აშშ-ის სახელმწიფო დეპარტამენტის სანქციების კოორდინატორის, სახელმწიფო მდივნის ყოფილი მოადგილის, დენიელ ფრიდის მიერ რუსეთ-საქართველოს ომთან დაკავშირებით გაკეთებულ განცხადებას ეხმაურება.
ჯაფარიძის თქმით, "ამერიკის მხარე, პირადად პრეზიდენტი ბუში აფრთხილებდა სააკაშვილს, რომ არ გადაედგა ეს ტრაგიკული ნაბიჯი, რაც 2008 წელს მოხდა".
„ეს ცნობილია. ბატონმა ფრიდმა ეს დღევანდელ ინტერვიუში გაახმოვანა; მე გაცილებით ადრე მომისმენია მისგანაც, უშუალოდ კონდოლიზა რაისისგან და სტივენ ჰედლისგანაც, რომ ამერიკის მხარე, პირადად პრეზიდენტი ბუში აფრთხილებდა სააკაშვილს, რომ არ გადაედგა ეს ტრაგიკული ნაბიჯი, რაც 2008 წელს მოხდა. ის, რომ მას ჰქონდა ანთებული მწვანე შუქი და თითქოს ამერიკის მთავრობამ და კონკრეტულად პრეზიდენტმა ბუშმა მას მისცა ინდულგენცია იმის თაობაზე, რომ ეს ნაბიჯი გადაედგა, არ შეესატყვისება სიმართლეს. ეს პროვოკაცია დაწყებულია საუკუნეების განმავლობაში და ამას აკეთებს რუსეთი უკვე საუკუნეების განმავლობაში, მთავარი იყო, რომ იმ დაგებულ ხაფანგში, არ ჩავმხტარიყავით“, - განაცხადა თედო ჯაფარიძემ.
"მახსოვს იყო საუბარი იმაზე, რომ ამერიკამ, თითქოს 2008 წელს მიხეილ სააკაშვილს საიდუმლო მწვანე შუქი აუნთო. მე პირადად ვიყავი ოთახში, როცა კონდოლიზა რაისმა სააკაშვილს უთხრა, რომ ‘სამხედრო ოპერაციის არჩევანი არ გაქვს და თავი ნუ მოგაქვს ისე, თითქოს ეს გაქვს.’ მას ჩვენგან მკაფიო წითელი შუქი ჰქონდა სამხედრო ოპერაციაზე", - განაცხადა "ამერიკის ხმის" ქართულ რედაქციასთან ექსკლიზიურ ინტერვიუში შეერთებული შტატების სახელმწიფო დეპარტამენტის სანქციების კოორდინატორმა, სახელმწიფო მდივნის ყოფილმა მოადგილემ, დენიელ ფრიდმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.