პრემიერ მინისტრი გიორგი კვირიკაშვილი წუხელ გვიან ღამით მარნეულის რაიონულ საავადმყოფოში იმყოფებოდა, სადაც მან სოფელ სადახლოში ქორწილში მოწამლული 200-მდე ადამიანი მოინახულა.
მთავრობის მეთაური მათი ჯანმრთელობის მდგომარეობით დაინტერესდა და აღნიშნა, რომ მომხდარზე გამოძიება უკვე დაწყებულია.
"მინდა, დავამშვიდო ყველა, არ ინერვიულონ, მაგრამ, როგორც ჩანს, საკმაოდ მძიმე ინტოქსიკაციაა. გამოძიება დაწყებულია, დალუქულია საკვების და სასმელის ნიმუშები და საინტერესო იქნება, დადგინდეს, რამ გამოიწვია ეს", - განაცხადა პრემიერ მინისტრმა.
მთავრობის მეთაურთან ერთად, გვიან ღამით, საავადმყოფოში იმყოფებოდა სახელმწიფო რწმუნებული ქვემო ქართლში პაატა ხიზანაშვილი.
სოფელ სადახლოში ქორწილში 200-მდე ადამიანის მოწამვლის სავარაუდო მიზეზი საკვები ან სასმელი გახდა. მოწამლულებიდან 28 მცირეწლოვანი ბავშვია, მათგან 21 ამ დრომდე საავადმყოფოებში რჩება.
მოწამლულები მარნეულის ორ, ასევე რუსთავის, ბოლნისისა და თბილისის კლინიკებში არიან გადანაწილებულები. ამ დროისთვის პაციენტების ჯანმრთელობის მდგომარეობა სტაბილურია.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.