ყირგიზეთის დედაქალაქ ბიშკეკში მდებარე ჩინეთის საელჩოსთან თვითმკვლელმა თავი აიფეთქა, რის შედეგადაც საელჩოს სამმა თანამშრომელმა დაზიანებები მიიღო. BBC-ის ინფორმაციით, სამივე პირი ყირგიზეთის მოქალაქეა. ისინი საავადმყოფოში გადაიყვანეს.
ყირგიზეთის პრემიერ მინისტრის მოადგილის, ზენიშ რაზაკოვის განცხადებით, აფეთქების შედეგად მხოლოდ თვითმკვლელი ტერორისტია გარდაცვლილი, საელჩოს დაცვის წევრებმა კი დაზიანებები მიიღეს. მისი ცნობითვე, თვითმკვლელმა საელჩოს ღობე მანქანით გაარღვია და თავი აიფეთქა.
ადგილზე ექსპერტ-კრიმინალისტების ჯგუფია მობილიზებული.
აფეთქების შემდეგ, ჩინეთის საელჩოსა და მასთან ახლოს მდებარე აშშ-ის საელჩოს თანამშრომლების ევაკუაცია განხორციელდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.