ტელეკომპანია „რუსთავი 2“-ის გენერალური დირექტორის, ნიკა გვარამიას განცხადებით, მიმდინარე წლის 5 სექტემბერს უზენაესი სასამართლო „რუსთავი 2“-ის საკასაციო საჩივრის დასაშვებობის საკითხს ზეპირი მოსმენის გარეშე და საკონსტიტუციო სასამართლოს გადაწყვეტილების გარეშე განიხილავს.
ამის შესახებ გვარამია „ფეისბუქის“ საკუთარ გვერდზე წერს.
მისი თქმით, უზენაესმა სასამართლომ შესაძლოა დაასრულოს არა მარტო „რუსთავი 2“-ის საქმე, არამედ უარყოფითად გადაწყვიტოს ოქტომბრის არჩევნების ლეგიტიმურობის საკითხი.
„როგორც ახლა გვაცნობეს, 5 სექტემბერს, საქართველოს უზენაესი სასამართლო იხილავს „რუსთავი 2“-ის საკასაციო საჩივრის დასაშვებობის საკითხს ზეპირი მოსმენის გარეშე და საკონსტიტუციო სასამართლოს გადაწყვეტილების გარეშე.
5 სექტემბერს, უზენაესმა სასამართლომ, კანონის ყველა შესაბამისი ნორმის დარღვევით, შესაძლოა არ მიიღოს განსახილველად ჩვენი საკასაციო საჩივარი და დაასრულოს არა მარტო „რუსთავი 2“-ის საქმე, არამედ უარყოფითად გადაწყვიტოს ოქტომბრის არჩევნების ლეგიტიმურობის საკითხი და პერსპექტივა მოუკლას ქვეყნის დემოკრატიულ მომავალს.
ვნახოთ, რას იზამს საქართველოს უზენაესი სასამართლო და მისი კოლეგია ეკატერინე გასიტაშვილის, ბესარიონ ალავიძის და პაატა ქათამაძის შემადგენლობით“,-წერს ნიკა გვარამია.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.