მოძრაობა „სახელმწიფო ხალხისთვის“ ლიდერის, პაატა ბურჭულაძის განცხადებით, საქართველოს მთავრობის მონაცემები, რომ ქვეყანაში არის მხოლოდ ნახევარი მილიონი სოციალურად დაუცველი, არასწორია და ეს მაჩვენებელი რეალურად მინიმუმ მილიონს შეადგენს.
აღნიშნულით ბურჭულაძე სოციალურად დაუცველებთან დაკავშირებით მის გუშინდელ განცხადებაზე განმარტებას აკეთებს.
„ზოგიერთებმა ან ვერ გაიგეს ან არ გაიგეს თუ რას ვგულისხმობდი. დღეს ჩვენ საქართველოს მთავრობა გვეუბნება, რომ ჩვენ ქვეყანაში არის 500 000 ანუ ნახევარი მილიონი გაჭირვებული ადამიანი, ვისაც ეხმარება სოციალურად. ეს არ არის სწორი. დღეს საქართველოში მინიმუმ ორჯერ მეტი უაღრესად გაჭირვებული ადამიანია. ეს არის მინიმუმი. ჩვენ გვაქვს პროგრამა, რომ ამ მილიონ ადამიანს, როგორც კი მოვალთ ხელისუფლებაში, 9 ოქტომბრის დილიდანვე დაენიშნება სოციალური დახმარება“, - განაცხადა ბურჭულაძემ.
გუშინ პაატა ბურჭულაძემ განაცხადა, რომ მისი პარტიის ხელისუფლებაში მოსვლის შემთხვევაში, სოციალურად დაუცველის სტატუსის მატარებელთა რაოდენობა მილიონამდე გაიზრდება. აღნიშნული განცხადება პოლიტიკოსების ნაწილმა უარყოფითად შეაფასა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.