ირლანდიური გაზეთი „The Irish Times“ სტატიას აქვეყნებს, სათაურით „ჩაძირული საგანძური: ჰამლეტ გონაშვილი - საქართველოს ხმა“.
სტატიის ავტორი - ჟურნალისტი დონალ დინენი აღნიშნავს, რომ შავ ზღვასა და კასპიის ზღვას შორის მდებარე საქართველო ანტიკური პერიოდიდან სხვადასხვა იმპერიის გზაჯვარედინი იყო, თუმცა ქართულმა პოლიფონიურმა მუსიკამ და სიმღერის შესრულების უნიკალურმა მანერამ საუკუნეებს, მტრის შემოსევებსა და დამპყრობლურ ომებს გაუძლო.
ჟურნალისტი სტატიაში ანსამბლ „რუსთავსა“ და მის გამოჩენილ სოლისტ ჰამლეტ გონაშვილზე ვრცლად საუბრობს. დონალ დინენის თქმით, ჰამლეტ გონაშვილის ხმის ტემბრში სრულად წარმოჩინდება ქართული მუსიკის ის ჰარმონიულობა, რომელიც მის შესრულებას დაუვიწყარ ტონალობას ანიჭებს.
„მას იმ დროში გადავყავართ, როდესაც მგალობლები დედამიწაზე საოცარი ძალით იყვნენ აღჭურვილნი. ჰანგი, რომელიც ამ ადამიანებისგან იღვრება, ჩვენს გარშემო ირხევა და თვალუწვდენელ მწვერვალებს და თვალწარმტაც პეიზაჟს ეხმიანება“ - აღნიშნულია ირლანდიური გაზეთის მიერ გამოქვეყნებულ სტატიაში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.