ჰოლივუდის ერთ–ერთი ყველაზე ცნობადი და პოპულარული წყვილის ქორწინება დასრულებულია. როგორც BBC იტყობინება, ანჯელინა ჯოლის ადვოკატმა დაადასტურა, რომ ჯოლიმ სასამართლოს "ქორწინების გაუქმების" განცხადებით მიმართა და დაამატა, რომ "გადაწყვეტილება ოჯახში არსებული ჯანმრთელობის მდგომარეობის გამო იქნა მიღებული".
"იგი კომენტარს არ გააკეთებს და ითხოვა, რომ ოჯახის პირად ცხოვრებაში ამ ეტაპზე არ ჩაერიონ", – დაამატა ანჯელინა ჯოლის ადვოკატმა.
წყვილს ექვსი ბავშვი ჰყავს – მადოქსი, პაქსი, ზაჰარა, შილოჰი და ტყუპები: კნოქსი და ვივიენი.
პიტი და ჯოლი 2014 წელს დაქორწინდნენ, მაგრამ მათი ურთიერთობა საუბრის საგანი 2004 წელს გახდა, როცა პიტი იმ დროისთვის მსახიობ ჯენიფერ ენისტონზე იყო დაქორწინებული. 2005 წელს პიტმა და ენისტონმა გამოაცხადეს, რომ ისინი განქორწინებას გეგმავდნენ და ენისტონმა ამ განცხადებიდან ერთ თვეში განქორწინებაზე, სასამართლოში განცხადება შეიტანა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.