უსუფაშვილი მეწარმეებს: პარტიის სათავეებში საფლავებიდან წამომდგარ აღმაშენებელსა და თამარ მეფეს რომ ხედავდეთ, არ შეუწყოთ ხელი უკონკურენტო ერთპარტიულობის დამკვიდრებას
25-09-2016, 01:44

შრიფტის ზომა: [ A+ ] / [ A- ]

 

საქართველოს პარლამენტის თავმჯდოამრე დავით უსუფაშვილი მეწარმეების მიმართ მიმართვას ავრცელებს.

 


"ვინ, თუ არა თქვენ, იცით თავისუფალი და სამართლიანი კონკურენციის სრულიად გამორჩეული როლის შესახებ არა მხოლოდ ეკონომიკური განვითარების, არამედ ზოგადკულტურული პროგრესის საქმეში! თუ არა სხვაზე უკეთესობის ამბიცია და თუ არა ამ ამბიციის მოქცევა სამართლიანობის ჩარჩოებში, მაშინ ჩვენ ყველანი ან ისევ გამოქვაბულებში ვიცხოვრებდით, ან ერთმანეთი დიდი ხნის ამოჟლეტილი გვეყოლებოდა...

 


ამასობაში, პოლიტიკაში ისევე აუცილებელია თავისუფალი და სამართლიანი კონკურენცია, როგორც ბიზნესში. არაკონკურენტული გარემო პოლიტიკურ სისტემასაც ისევე მიაქანებს ჭაობისკენ, როგორც ეკონომიკურ სისტემას. უკონკურენტოდ დარჩენილი ყველაზე უფრო კეთილშობილური პოლიტიკური ძალაც კი ისევე იწყებს უხარისხო, ძვირი და სახელმწიფოსთვის საშიში პოლიტიკური პროდუქტის წარმოებას, როგორც უკონკურენტოდ დარჩენილი ყველაზე უფრო მაღალი სტანდარტების მქონე პურის ქარხანა იწყებს უხარისხო, ძვირი და ჯანმრთელობისთვის საშიში პურის ცხობას.

 


მეტიც, უკონკურენტოდ დარჩენილ პოლიტიკურ ძალას უკონკურენტო პურის ქარხნისგან განსხვავებით სხვა უბედურებებიც მოაქვს. იგი იწყებს კონკურენციის „ბაცილებთან“ ბრძოლას სხვა სფეროებშიც - ბიზნესში, მედიაში, სპორტში - იმის შიშით, რომ საზღვრები არ გადალახოს და პოლიტიკაშიც არ მოიკიდოს ფეხი. თანაც, მოგეხსენებათ, პურის ქარხნისგან განსხვავებით, უკონკურენტო პოლიტიკურ პარტიას მოზელილი ცომის ნაცვლად სახელმწიფო ძალაუფლებაზე აქვს ექსკლუზიური წვდომა და ამიტომ საკმაო წარმატებით უმკლავდება ხოლმე ამ „ბაცილას“, ანუ თავისუფლებას, საზოგადოებაში.

 


თუმცა, რას გიყვებით, განა ერთად არ გავიარეთ ეს ყველაფერი?..

 


ჰოდა, იმისათვის, რომ აღარასოდეს განმეორდეს ის, რაც ყველამ გავიარეთ, გთხოვთ, აღარასოდეს გააკეთოთ პოლიტიკური არჩევანი „პოლიტკორექტულობის“ გადმოსახედიდან, მიუხედავად იმისა, რამდენად „კორექტულადაა“ მოწოდებული „პოლიტიკურად სწორი“ გადაწყვეტილება. გთხოვთ, აღარასოდეს შეუწყოთ ხელი უკონკურენტო ერთპარტიულობის დამკვიდრებას საქართველოში, თუნდაც ამ პარტიის სათავეებში საფლავებიდან წამომდგარ დავით აღმაშენებელს, თამარ მეფეს, გიორგი ბრწყინვალეს, ილია ჭავჭავაძეს და ბიძინა ჩოლოყაშვილს ერთად ხედავდეთ.

 


გთხოვთ, აუცილებლად მიბრძანდით არჩევნებზე 8 ოქტომბერს და აუცილებლად თქვენი თავისუფალი პერსონალური არჩევანი გააკეთეთ. გთხოვთ, მიეცით ხმა იმ პარტიას და იმ ლიდერს, ვინც ყველაზე უკეთ ეხმიანება არა თქვენს დღევანდელ ბიზნეს ინტერესებს, არამედ თქვენს ხვალინდელ მშობლურ ინტერესებს. გთხოვთ, მიეცით თქვენი ხმა ვისაც გინდათ, გნებავთ ბიძინას, გნებავთ მიშას, გნებავთ ირმას, გნებავთ ნებისმიერს, გარდა ჩემი და რესპუბლიკელებისა, ოღონდ ეს იყოს თქვენი თავისუფალი არჩევანი. გთხოვთ, იგივე გადაეცით თქვენი ოჯახის წევრებს, იგივე გადაეცით თქვენი საწარმოების თანამშრომლებს.

 


გთხოვთ, ყველას გადაეცით, რომ საქართველოში თავისუფლება უკვე შესაძლებელია და ჯერ კიდევ შესაძლებელია...", - აღნიშნულია მიმართვაში.

 

კომენტარები: 0
კომენტარის დატოვება

თქვენი სახელი:*
თქვენი E-Mail:
  ქართულად წერა  
 

ძვირფასო მკითხველო! გამოხატეთ თქვენი აზრი აღნიშნული თემის გარშემო. გთხოვთ დაიცვათ კორექტულობა და პატივი სცეთ სხვების მოსაზრებებს.

მუქი დახრილი ხაზგასმული აღნიშნული | მარცხნივ განთავსება ცენტრში განთავსება მარჯვნივ განთავსება | სმაილების ჩასმა ლინკის ჩასმაფარული ლინკის ჩასმა Choice the color | ფარული ტექსტი ციტირების ჩასმა მონიშნული ტექტსი კირილიკურზე გადაყვანა. Insert spoiler

შეიყვანე კოდი: *

მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.

GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.

ყველაზე კითხვადი
ბოლო სიახლეები
ამინდის პროგნოზი
ვალუტის კურსი