დავით აღმაშენებლის სახელობის საქართველოს ეროვნული თავდაცვის აკადემიის 119 იუნკერი დღეიდან საქართველოს შეიარაღებულ ძალებს შეუერთდა. საბაკალავრო სკოლის პირველი კურსის იუნკერების ფიცის დადების საზეიმო ცერემონიალი დავით აღმაშენებლის სახელობის საქართველოს ეროვნული თავდაცვის აკადემიის სამწყობრო მოედანზე გაიმართა.
ფიცის მიღებამდე იუნკერებმა და მოწვეულმა სტუმრებმა საქართველოს ერთიანობისთვის ბრძოლებსა და სამსახურეობრივი მოვალეობის შესრულების დროს დაღუპული სამხედრო მოსამსახურეების ხსოვნას წუთიერი დუმილით პატივი მიაგეს. ღონისძიებაზე ეროვნული გვარდიის სამხედრო საჩვენებელმა ორკესტრმა საქართველოს სახელმწიფო ჰიმნი შეასრულა.
ფიცის მიღების ცერემონიალს საქართველოს თავდაცვის მინისტრი, მინდია ჯანელიძე, საქართველოს შეიარაღებული ძალების გენერალური შტაბის უფროსი, გენერალ-მაიორი ვახტანგ კაპანაძე, დავით აღმაშენებლის სახელობის საქართველოს ეროვნული თავდაცვის აკადემიის რექტორი, პოლკოვნიკი ირაკლი გეგეჭკორი და თავდაცვის უწყების სხვა ხელმძღვანელი პირები დაესწრნენ.
თავდაცვის მინისტრმა იუნკერებს სიტყვით მიმართა, მათ წარმატებები უსურვა და მხარდაჭერა აღუთქვა: „ეს გახლავთ უმნიშვნელოვანესი დღე შეიარაღებული ძალებისთვის. ჩვენმა იუნკერებმა დადეს ფიცი და ჩადგნენ საქართველოს შეიარაღებული ძალების რიგებში სრულფასოვნად. სამხედრო განათლება და ახალგაზრდა ოფიცრების გაზრდა ჩვენი შეიარაღებული ძალებისთვის არის ერთ-ერთი პრიორიტეტული მიმართულება. შესაბამისად, ჩვენ მომავალშიც დიდ ყურადღებას დავუთმობთ ეროვნულ თავდაცვის აკადემიას, აკადემიაში მიმდინარე პროცესებს, ახალგაზრდა ოფიცრების მომზადებისა და განათლების მიღების საკითხებს“, განაცხადა მინდია ჯანელიძემ.
გენერალური შტაბის უფროსმა, სიტყვით გამოსვლისას, მსმენელებს კარიერული წინსვლა უსურვა.
ღონისძიების დასასრულს, აკადემიის მოძღვარმა, მამა თადეოზმა პირადი შემადგენლობა დალოცა. ფიცის მიღების ცერემონიალზე იუნკერების ოჯახის წევრები და ახლობლებიც იმყოფებოდნენ. თავდაცვის მინისტრი იუნკერების ოჯახის წევრებსაც გაესაუბრა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.