მე ვფიქრობ, რომ მომდევნო ოთხი წელიწადი იქნება ძალიან შთამბეჭდავი, ძალიან აღმშენებლობითი საქართველოში - აი, გულწრფელად შემიძლია შვილები დავიფიცო, რომ ეს განწყობა მაქვს, - განაცხადა საქართველოს ყოფილმა პრემიერ მინისტრმა, ბიძინა ივანიშვილმა მცხეთა-მთიანეთში, რეგიონულ მედიასთან შეხვედრის დროს.
მისი თქმით, საქართველოს აღმშენებლობის პროცესში თავადაც აქტიურად იქნება ჩართული.
"ანტაგონიზმი დასრულდება ამ არჩევნებით და უფრო დაბალანსებული პოლიტიკა იქნება. ხალხი ვართ ჩვენ ძალიან ტოლერანტული, ძალიან შემგუებელი. გადით მოედანზე და ნახეთ, გინდათ რელიგიის, გინდათ სხვა რამის მიხედვით, ქართველები ვართ არა შემთხვევით, ისტორიულად ჩამოყალიბებული, გენეტიკურად ჩამოყალიბებული ხალხი, რომ ევროპაში ჩვენი ხიბლი შევიტანოთ განსაკუთრებული.
მე ვფიქრობ, რომ მომდევნო ოთხი წელიწადი იქნება ძალიან შთამბეჭდავი, ძალიან აღმშენებლობითი საქართველოში. ისიც მოხერხდება, რომ აგიტაციის მსხვერპლი რომ იყო საზოგადოების გარკვეული ნაწილი, მე მგონი ამასაც ბოლო მოეღება. საზოგადოებამ ბევრი ისწავლა ოთხი წლის განმავლობაში. შემდეგი ოთხი წლის განმავლობაში, დარწმუნებული ვარ, "ნაციონალური მოძრაობა" ვეღარ მოახერხებს ამ თავისი ხელწერის გავრცელებას და პროცესში ჩართულობა და თვითონ აღმშენებლობის პროცესი იქნება ძალიან შთამბეჭდავი და ძალიან კარგი. მე პირადად ეს განწყობა მაქვს გულწრფელად, არ იფიქროს ვინმემ რომ საარჩევნოდ ვამზადებ. აი, გულწრფელად შემიძლია შვილები დავიფიცო, რომ ეს განწყობა მაქვს.
ამისთვის ვიბრძვი და ამისთვის ვიღწვი, თუ გნებავთ პირადად, რომ მშენებლობა მიყვარს საოცრად, მეც მინდა რომ ამ პროცესში ვიყო მონაწილე.... ოთხი წლის განმავლობაში დაიწყება შემობრუნება - ვიზა-ლიბერალიზაციას მივიღებთ სწრაფად და ძალიან ბევრი ჩვენი თანამოქალაქე, რომელიც საშოვარზეა გადახვეწილი საზღვარგარეთ, ნელ-ნელა დაიწყებს შემობრუნებას. რვა წლის შემდგომ ნახავთ, რომ საქართველოს ძალიან დიდი ნაწილი მოქალაქეების საქართველოში დაბრუნდება და აქ იპოვის საკუთარ საქმეს და საკუთარ საწნახელს. გარეთ ქართველები ვერ ვვარგივართ... და ვერც მე ვივარგე", - განაცხადა ივანიშვილმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.