თბილისის სავალუტო ჯიხურების დიდ ნაწილში 1 ამერიკული დოლარის გასაყიდი ფასი 2.14, ზოგან კი 2.13 ლარია, ხოლო შესყიდვა კი 2.12 ლარად ხდება.
თუ ეს ტენდენცია დღის განმავლობაშიც შენარჩუნდა, მაშინ ეროვნული ვალუტა კიდევ უფრო გამყარებისკენ წავა, რადგან პარასკევს ეროვნული ბანკის მიერ ოფიციალურად დადგენილი კურსი 2.1654 შეადგენდა, ხოლო უქმეებზე დოლარის ყიდვა კი ოფიციალურზე 3 პუნქტით უფრო დაბალი კურსით იყო შესაძლებელი.
გასულ კვირას სავალუტო ჯიხურებსა და კომერციულ ბანკებში დოლარის გაყიდვის ფასმა რეკორდულ ნიშნულს მიაღწია და 2.4-საც კი გადააჭარბა.
პარასკევს, საგანგებოდ გამართულ ბრიფინგზე, ეროვნული ბანკის პრეზიდენტმა გიორგი ქადაგიძემ მოსახლეობა დაამშვიდა და თქვა, რომ "ქვეყნის ფინანსურ სტაბილურობას არანაირი საფრთხე არ ემუქრება".
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.