რუსეთთან ურთიერთობის საკითხებში საქართველოს პრემიერ-მინისტრის სპეციალური წარმომადგენელი ზურაბ აბაშიძე "თავისუფალ დემოკრატებს პასუხობს და ურჩევს, რომ "სამოქალაქო კონტროლი" თავიანთ არაკომპეტენტურობას დაუწესონ. საქართველოს აფხაზეთის მონაკვეთზე გამავალი რკინიგზის აღდგენის საკითხის კომენტირებისას კი მან „შეთქმულების თეორიებით“ მოხიბლულ ოპონენტებს პროვინციალიზმში დასდო ბრალი.
"თავისუფალი დემოკრატების" ლიდერმა, ირაკლი ალასანიამ რამდენიმე დღის წინათ განაცხადა, რომ უნდა დაწესდეს საზოგადოებრივი კონტროლი, რათა ზურაბ აბაშიძე მისი კომპეტენციის ფარგლებს არ გასცდეს.
პრემიერის სპეციალური წარმომადგენლი ამბობს, რომ ნატო-ში გაწევრიანების თაობაზე მის განცხადებებზე აჟიოტაჟი "ნაციონალებს" "თავისუფალმა დემოკრატებმა" დაასწრეს.
"მე ვთქვი საქართველო მიდის, მიისწრაფვის ნატოსკენ, მაგრამ დღეს და ხვალ გაწევრიანება ვერ მოხდება. ისიც ვთქვი, რომ არ იგეგმება ჩვენთან ნატოს სამხედრო ინფრასტრუქტურის, რაც სამხედრო ბაზას ნიშნავს, განლაგება“, კიდევ ერთხელ დააზუსტა აბაშიძემ.
მან საქართველოს აფხაზეთის მონაკვეთზე გამავალი რკინიგზის აღდგენის საკითხზეც გააკეთა მორიგი განცხადება და თქვა, რომ გრიგორი კარასინთან ამ თემაზე დეტალური მოლაპარაკებები არ გამართულა. ზურაბ აბაშიძემ „შეთქმულების თეორიებით“ მოხიბლულ ოპონენტებს პროვინციალიზმში დასდო ბრალი.
„ეს კულუარული ინფორმაციების და შეთქმულებების თეორიები ჩვენში რომ უყვართ, ისე არსად და მერე ეს ხანდახან გადადის პროვინციალიზმში. მე იქაც ვთქვი შეხვედრის დასრულებისთანავე, არანაირი კონკრეტული, დეტალური განხილვა საქართველოს რკინიგზის აღდგენის შესახებ არ ყოფილა; ან რანაირად უნდა დაიმალოს ეს. კულუარული შეხვედრები რომ გვინდოდეს, რაღა პრაღაში შევხვდებით, 15 პროჟექტორის ქვეშ ვინმეს. მე ვერ ვხედავ მათ განსაკუთრებულ დაინტერესებას, მაგრამ ვიმეორებ, არანაირი კონკრეტული, დეტალური განხილვა არ ყოფილა“, განაცხადა აბაშიძემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.