თბილისის მერის მოვალეობის შემსრულებელი სევდია ურგეხელიძე საკრებულოს თავმჯდომარის ირაკლი შიხიაშვილის განცხადებას ეხმაურება. როგორც სევდია უგრეხელიძე აცხადებს, საქალაქო სამსახურების უფროსები, გამგებლები და მერის მოადგილეები მზად არიან გადადგნენ, თუმცა ამისთვის შიხიაშვილმა, რამდენიმე პირობა უნდა შეასრულოს. კერძოდ, ბიუჯეტის დამტკიცების შემდეგ გადადგეს თავად დაკავებული თანამდებობიდან და ასევე თანამდებობა დატოვონ კომისიის იმ წევრებმაც, რომლებიც საკრებულოში "ნაციონალური მოძრაობის" პარტიული სიით მოხვდნენ და შემდეგ შეიცვალეს პარტია.
"ბიუჯეტის დამტკიცების შემდეგ მზად ვართ შევასრულოთ ირაკლი შიხიაშვილის ეს ახირებაც და დასახელებული თანამდებობის პირები თანამდებობიდან გადადგნენ მხოლოდ იმ შემთხვევაში თუ თანამდებობიდან გადადგება თავად ირაკლი შიხიაშვილი და კომისიის ის წევრები, რომლებიც "ნაციონალური მოძრაობის" წარდგინებით მოხვდნენ საკრებულოში და შემდგომ გადაბარგდნენ "ქართულ ოცნებაში",-განაცხადა სევდია უგრეხელიძემ.
შეგახსენებთ, რომ ირაკლი შივიაშვილი დღეს გამოვიდა ინიციატივით, რომ საქალაქო სამსახურების უფროსებმა, გამგებლებმა თუ მერის მოადგილებმა დატოვონ თანამდებობა
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.