უკანონო მიყურადებისა და ფარული ჩანაწერების შემცველი მასალების დიდი ნაწილი, გამოძიების დაწყების მიზნით, გადაიგზავნოს საქართველოს მთავარ პროკურატურაში, ხოლო დანარჩენი მასალა, რომელშიც ძირითადად, ინტიმური სცენებია ასახული და შეიცავს არაიდენტიფიცირებად პირებს, ასევე, დაზიანებული მასალა, დაუყოვნებლივ განადგურებას დაექვემდებარა.
ეს გადაწყვეტილება უკანონო მიყურადებისა და ფარული ჩანაწერების საკითხებზე მომუშავე დროებითი კომისიის ბოლო შეხვედრაზე მიიღეს, რომელიც ცოტა ხნის წინ დასრულდა. შინაგან საქმეთა სამინისტროში მიყურადებისა და ფარული ჩანაწერების საკითხებზე მომუშავე დროებითმა კომისიამ 45 დისკი და 2 ვინჩესტერი გაანადგურა.
ამასთან, შეხვედრაზე კომისიის წევრებმა მოისმინეს სამუშაო ჯგუფის საქმიანობის ანგარიში, განიხილეს და მოიწონეს პირადი ცხოვრების პატივისცემისა და ხელშეუხებლობის დაცვის მიზნით შემუშავებული კანონპროექტი "საქართველოს სისხლის სამართლის კოდექსში ცვლილების შეტანის შესახებ". როგორც აღმოჩნდა, არსებული ვიდეომასალის ძირითადი ნაწილი ეხებოდა ყოფილი ხელისუფლებისადმი ოპოზიციურად განწყობილ პოლიტიკურ პარტიებს, მათ პარტიულ ხელმძღვანელებსა და თანამდებობის პირებს, აგრეთვე, მათი შეხვედრის ადგილებს, ოფისებსა და საცხოვრებელ სახლებს, განსხვავებული პოლიტიკური შეხედულების მქონე, საზოგადოების ცნობილ წარმომადგენლებს, სამოქალაქო აქტივისტებს, სხვადასხვა სახელმწიფო ორგანიზაციის თანამშრომლებს/საჯარო მოხელეებს და ხასიათდებოდა უპრეცედენტო მასშტაბებით.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.