გარემოსა და ბუნებრივი რესურსების დაცვის მინისტრი გიგლა აგულაშვილი ოფიციალურ ვიზიტად ლუქსემბურგში იმყოფება, სადაც გარემოს დაცვისა და კლიმატის ცვლილების შესახებ აღმოსავლეთ პარტნიორობის პირველი მინისტერიალი მიმდინარეობს.
როგორც გარემოსა და ბუნებრივი რესურსების დაცვის სამინისტროს მიერ გავრცელებულ ინფორმაციაშია აღნიშნული, მინისტრმა ევროკავშირი-საქართველოს ასოცირების შესახებ შეთანხმებით ნაკისრი გარემოსდაცვითი ვალდებულებების განხორციელების მნიშვნელობაზე ისაუბრა, რომელიც გარემოსდაცვითი მმართველობის გაუმჯობესებასა და მდგრად განვითარებას გულისხმობს. მანვე შეაჯამა ბოლო წლებში გარემოს დაცვის სფეროში განხორციელებული ღონისძიებები, კლიმატთან დაკავშირებული ქმედებები და აღნიშნა, რომ საქართველო მხარს უჭერს პარიზის შეთანხმების იდეას, რომელიც სათბური გაზების შემცირების წინასწარ გათვლებზე დამყარებული ვალდებულების აღებას გულისხმობს.
შეხვედრას ევროკავშირის წევრი სახელმწიფოების და აღმოსავლეთ პარტნიორობის ქვეყნების გარემოს დაცვის მინისტრები, გარემოს დაცვის საკითხებში ევროკომისარი კარმენუ ველა და ევროკავშირის სამეზობლო პოლიტიკისა და გაფართოების მოლაპარაკებების საკითხებში ევროკომისარი იოჰანეს ჰანი ესწრებოდნენ.
სამინისტროს ცნობით, მონაწილეებმა რეგიონში მწვანე ეკონომიკის განვითარების შესაძლებლობები, გარემოსდაცვითი მმართველობის გაუმჯობესება, კლიმატთან დაკავშირებულ ქმედებები და გარემოს დაცვის მიმართულებით ევროკავშირთან თანამშრომლობის სხვა მნიშვნელოვანი საკითხები განიხილეს.
შეხვედრაზე მინისტრთა დეკლარაცია მიიღეს, რომელშიც მინისტერიალის ძირითადი გზავნილები და ევროკავშირსა და აღმოსავლეთ პარტნიორობის ქვეყნებს შორის თანამშრომლობის გარემოსდაცვითი პრიორიტეტებია ასახული.
ვიზიტის ფარგლებში, გიგლა აგულაშვილსა და გარემოს დაცვის საკითხებში ევროკომისარ კარმენუ ველას შორის ორმხრივი შეხვედრა გაიმართა. კომისარმა მინისტრს მადლობა გადაუხადა ქ. ბათუმში გაეროს ევროპის ეკონომიკური კომისიის (UNECE) მე-8 გარემოსდაცვითი მინისტერიალის - “გარემო ევროპისთვის” წარმატებული ორგანიზებისთვის და დადებითად შეაფასა საქართველოს მიერ ასოცირების შესახებ შეთანხმების განხორციელების მიმდინარეობის პროგრესი.
მინისტერიალი ევროკავშირის თავმჯდომარე ქვეყნის, სლოვაკეთის ორგანიზებით იმართება. მინისტრები შეთანხმდნენ გარემოს დაცვისა დ კლიმატის ცვლილების მინისტერიალის ორ წელიწადში ერთხელ ჩატარებაზე, სადაც ევროკავშირისა და აღმოსავლეთ პარტნიორობის ქვეყნების თანამშრომლობის პროგრესი შეჯამდება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.