საქართველოს თავდაცვის მინისტრის, ლევან იზორიას განცხადებით, კახეთის რეგიონში მომხდარ ავტოსაგზაო შემთხვევასთან დაკავშირებით, საგამოძიებო მოქმედებები ორი მიმართულებით ხორციელდება.
როგორც ჟურნალისტებთან საუბრისას იზორიამ აღნიშნა, მოკვლევის დასრულების შემდეგ გახდება ცნობილი, დადგება თუ არა კონკრეტული პირების პასუხისმგებლობის საკითხი.
"ადგილი ჰქონდა გადაჭარბებული სიჩქარით მოძრაობას. ასევე შიდა მოკვლევის ფარგლებში, ჩვენ ვაზუსტებთ, რამდენად შეესაბამებოდა ესკორტირების და გაცილების წესები იმ სტანდარტებს, რომელიც არსებობს სამინისტროში. ასე რომ, ამ ორი მიმართულებით ინტენსიურად გრძელდება საგამოძიებო მოქმედებები", - განაცხადა თავდაცვის მინისტრმა.
კითხვაზე, შეიძლება თუ არა, რომ მეორე ვერსიის დადასტურების შემთხვევაში, დადგეს სხვა პირების პასუხისმგებლობის საკითხი, იზორია პასუხობს, რომ გამორიცხული არაფერია.
"ჩვენ გვაქვს კონკრეტულად გაწერილი სტანდარტები, თუ როგორ ხდება ამ შემთხვევაში ესკორტირება სამხედრო შემადგენლობის და შესაბამისად, კონკრეტული ფაქტის შესწავლის საფუძველზე, ექსპერტიზის ჩატარების საფუძველზე, მოხდება იმის განსაზღვრა, იყო თუ არა ფაქტობრივი გარემოებები ამ სტანდარტის შესაბამისი", - აღნიშნა ლევან იზორიამ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.