ქობულეთის მუნიციპალიტეტში 3-დღიან ვიზიტად პოლონეთის ქ. პიეკარი შლონსკედან დელეგაცია იმყოფება. დღეს დელეგატებისთვის კინტრიშის ხეობაში ინფო ტური მოეწყო.
როგორც Guardian.ge-ს ქობულეთის მუნიციპალიტეტიდან აცნობეს, სტუმრებმა დაათვალიერეს კობალაურის, ცხემვანას თაღოვანი ხიდები, წმინდა გიორგის მონასტერი, კოლხური ბზის კორომები და უძველესი ღვინის მარანი, ასევე მიიღეს ინფორმაცია კინტრიშის ნაკრძალის შესახებ და გაეცნენ მის უნიკალური ბუნებას. ტურის ფარგლებში მათ კოხის საკალმახე მეურნეობაც მოინახულეს.
ქობულეთსა და ქ. პიეკარ შლონსკეს შორის დამეგობრების მემორანდუმი ხვალ გაფორმდება. მემორანდუმი ორი ქალაქის მეგობრობას და ერთობლივი პროექტების განხორციელებას ისახავს მიზნად.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.