თბილისის საკრებულო ახალ საკანონმდებლო ინიციატივაზე მუშაობს, რის მიხედვითაც სავალდებულო გახდება, რომ ყველა ფარმაცევტულ პრეპარატს ანოტაცია, უცხო ენასთან ერთად, ქართულ ენაზეც დაერთოს, – ამის შესახებ საკრებულოს იურიდიულ საკითხთა კომისიის თავმჯდომარემ თედო კობახიძემ საინფორმაციო-ანალიტიკურ პორტალ „კვირას“ პრესკლუბში ისაუბრა.
„სამწუხაროდ, მთელ რიგ პრეპარატებს ანოტაცია მხოლოდ უცხო ენაზე აქვთ. მოქალაქე ვალდებული არ არის, იცოდეს რუსული ან სხვა რომელიმე უცხო ენა. ამიტომაც სავალდებულო გახდება, რომ ყველა პრეპარატს ქართულ ენაზე ჰქონდეს ანოტაცია. ამ საკითხზე ჩვენ ვგეგმავთ შეხვედრების გამართვას ფარმაცევტული კომპანიის წარმომადგენლებთან ჯანდაცვის სამინისტროსთან და პარლამენტის ჯანდაცვის კომიტეტის წევრებთან ერთად“,- აღნიშნა თედო კობახიძემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.