საქართველოს საგარეო საქმეთა მინისტრმა, მიხეილ ჯანელიძემ ნატო–ს საგარეო საქმეთა მინისტერიალის ფარგლებში გამართულ ავღანეთში მიმდინარე „მტკიცე მხარდაჭერის მისიის“ ფორმატის შეხვედრაში მიიღო მონაწილეობა.
შეხვედრის მსვლელობისას ქვეყნებმა ავღანეთში უსაფრთხოების კუთხით შექმნილი მდგომარეობა და „მტკიცე მხარდაჭერის მისიის“ მიმდინარეობა განიხილეს.
ალიანსის წევრმა და პარტნიორმა ქვეყნებმა ავღანეთს უსაფრთხოების სფეროში არსებული გამოწვევების გამკლავებაში ცალსახა მხარდაჭერა აღუთქვეს. შეხვედრაზე აღინიშნა ქალაქ მაზარ-ი-შარიფში გერმანიის საკონსულოზე მომხდარი შეიარაღებული თავდასხმის მოგერიებაში ქართველი სამხედროების მიერ შეტანილი განსაკუთრებული წვლილი.
თავის გამოსვლაში, საქართველოს საგარეო საქმეთა მინისტრმა ხაზი გაუსვა, რომ ქვეყნების საერთო ძალისხმევამ გააძლიერა ავღანელი ხალხი მის მიერ ტერორიზმთან ბრძოლის წარმოებაში და შეიქმნა ქვეყნისთვის უკეთესი მომავლის უზრუნველყოფის შესაძლებლობა.
ქართული მხარე მიესალმა ავღანეთის „ეროვნული თანხმობის მთავრობის“ მიერ განხორციელებულ მნიშვნელოვან სამუშაოს, მათ შორის ეროვნული შერიგების პროცესის მიმდინარეობას.
ასევე აღინიშნა საქართველოს, როგორც საერთაშორისო უსაფრთხოების განმტკიცებაში აქტიური წვლილის შემტანი ქვეყნის როლი. ქართულმა მხარემ დაადასტურა, რომ იგი მხარს დაუჭერს ალიანსს მისიის განხორციელებაში 2016 წლის შემდეგ და შეინარჩუნებს არსებულ კონტინგენტს 2017 წლის ბოლომდე. ამას გარდა, საქართველო გააგრძელებს ავღანეთის თავდაცვის და უსაფრთხოების ძალებისთვის ფინანსური დახმარების აღმოჩენას.
ინფორმაციას საქართველოს საგარეო საქმეთა სამინისტრო ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.