კონსტანტინე გამსახურდია: „ბატონო პრემიერო, ნუთუ ღამის კლუბების წესდებებში ჩხრეკის დრო გაქვთ ახლა თქვენ და თქვენს კაბინეტს?“
11-01-2017, 03:46

შრიფტის ზომა: [ A+ ] / [ A- ]

 

საქართველოს პირველი პრეზიდენტის, ზვიად გამსახურდიას ვაჟი, პოლიტიკური პარტია „თავისუფლების“ დამფუძნებელი და თავმჯდომარე კონსტანტინე გამსახურდია პრემიერ მინისტრ გიორგი კვირიკაშვილს სოციალური ქსელის მეშვეობით მიმართავს და ეკითხება „ბატონო პრემიერო, ნუთუ ღამის კლუბების წესდებებში ჩხრეკის დრო გაქვთ ახლა თქვენ და თქვენს კაბინეტს?“

 


„ჩემთვის უთქვამთ ხოლმე საუბრებისას, რომ ტექნიკური მთავრობა გვყავს და ისეთს არაფერს აშავებსო. მაგრამ მახათით ნაცრის ქექვა არც ტექნიკურ მთვარობას დაამშვენებს. ამიტომაც მინდა გიორგი კვირიკაშვილს მივმართო:

 


ბატონო პრემიერო, ნუთუ ღამის კლუბების წესდებებში ჩხრეკის დრო გაქვთ ახლა თქვენ და თქვენს კაბინეტს? მხოლოდ ადგილობრივ ქალებს უშვებენ იქ თუ ადგილობრივი კაცების დისკრიმინაციას აქვს ადგილი? ეს კლუბები საქართველოში ჩამოსული მძიმექისიანი ირანელების, თურქების და არაბების დროის გასატარებელი და ფულის დასახარჯი ადგილია. მხოლოდ ქალებს კი იმიტომ უშვებენ, რომ არც თქვენმა, არც თქვენს წინა ულტრა-ლიბერტარიანულმა მთავრობებმა მათ არ შესთავაზეს არანაირი სამუშაო ადგილი, არანირი დასაქმება. მათ ყველაფერი "თავისუფალ ბაზარს" მიანდეს, როგორც სასწაულთმომქმედს, როგორც ყველაფრის მართებულად დამრეგულირებელს. ჰოდა მანაც "დაარეგულირა!"

 


ამ დროს აფხაზეთში გალის რაიონის მოსახლეობის კანონგარეშე გამოცხადებას ლამობენ, ისინი სრულიად უფლებააყრილ მდგომარეობაში არიან. მათ თვით სეპარატისტული რესპუბლიკის პასპორტების ჩამორთმევას უპირებენ, ეტყობა სეპარატისტულ- საოკუპაციო რეჟიმი ახალ ეთნოწმენდას გეგმავს. შამბა პარლამენტისთვის ეთნიკურ კვოტებზე საუბრობს, რაც მსოფლიოში გაუგონარი ამბავია, თქვენ კი საერთოდ გაქვთ ამ მხრივ რაიმე გეგმა?

 


რომ თქვენი კაბინეტის ზედამხედველობის ქვეშ სპეცსამსახურები თვალმოუხუჭავად, დღე და ღამე უნდა მუშაობდნენ ბათუმშიც და აჭარაშიც, რამდენადაც ერდოღანის განცხადებებში პერიოდულად ისმის "ბათუმ", რაშიც გამოსჭვივის ოცნება "მცირე პორტას" აღდგენაზე ბათუმით, მოსულით, თრაკიით, ამაზე საერთოდ ბჭობთ თქვენ?

 


ის, რომ აქციზის გაძვირების გამო ბენზინით დაწყებული ყველაფერი გაძვირდა და არც ლარის კურსის შემდგომ ვარდნის შეჩერებაზე გარანტიას არავინ იძლევა, ამაზე რაიმე გეგმა აქვს თქვენს მთავრობას?

 

 

ის, რომ სამეგრელოში ნაცარმა მოსპო სტრატეგიული პროდუქტი თხილი და 5 ცალი თხილიდან 3 თუ არა, 2 ფშუტეა, რამაც უძლიერესად დაარტყა იქაურების ბიუჯეტს, რომ უნიკალური კოლხური ბზა ხმება და არავის თავში არ მოსდის აზრად ამ პროცესის შესაჩერებლად ორგანიზება მოახდინოს, ეს თქვენს დღის წესრიგში არ უნდა იდგეს?

 

 

თბილისში რომ არ ცხრება სატრანსპორტო ჭედვები და საცობები, რომ ქალაქი გადაივსო იაპონური მარჯვენასაჭიანი ჯართით, ამაზე გიფიქრიათ? რომ ეს სინამდვილეში იაპონელების "ვეისთმენეჯმენტია" - ამ დაჯართებული ავტომობილების მოცილება მათ ფული დაუჯდებოდათ, ეხლა კი აქეთ იშოვეს ფული, მას შემდეგ რაც ეს ჯართი თბილისის ქუჩებში დადის?

 


თქვენს განათლების მინისტრს მეტი საქმე არა აქვს, კომბლედან ახლა შუშანიკის წამებას რომ გადაწვდა? ბიბლიურ ტექსტებზეც ხომ არ გადავა მალე?

 


პრობლემების რეგისტრი ამით არ სრულდება. მაგრამ ჩვენ რას ვაკეთებთ?“, - წერს კონსტანტინე გამსახურდია Facebook-ის საკუთარ გვერდზე.

 

 


საქართველოს პრემიერ მინისტრმა შინაგან საქმეთა მინისტრსა და სამინისტროს „ვარდების მოედნის“ ქვემოთ მდებარე ბარებსა და სხვადასხვა ობიექტებში არსებული კანონდარღვევებით დაინტერესება მთავრობის დღევანდელ სხდომაზე დაავალა.

 

 


 

 

 

 

 

კომენტარები: 1
#1  Vladimeri
      
ძალიან საყურადღებო აქცენტებია. ჩვენ ხომ დოყლაპიის პოზიციიდან მივჩერებივართ მსოფლიოს, მეზობლებს და რეალური საფრთხეები არც კი გვაქვს გაცნობიერებული.
12 იანვარი 2017 02:11
კომენტარის დატოვება

თქვენი სახელი:*
თქვენი E-Mail:
  ქართულად წერა  
 

ძვირფასო მკითხველო! გამოხატეთ თქვენი აზრი აღნიშნული თემის გარშემო. გთხოვთ დაიცვათ კორექტულობა და პატივი სცეთ სხვების მოსაზრებებს.

მუქი დახრილი ხაზგასმული აღნიშნული | მარცხნივ განთავსება ცენტრში განთავსება მარჯვნივ განთავსება | სმაილების ჩასმა ლინკის ჩასმაფარული ლინკის ჩასმა Choice the color | ფარული ტექსტი ციტირების ჩასმა მონიშნული ტექტსი კირილიკურზე გადაყვანა. Insert spoiler

შეიყვანე კოდი: *

ესპანეთის პოლიციამ განაცხადა, რომ ქალაქ კამბრილსში 5 ადამიანი მოკლა იმისათვის, რათა შეეჩერებინა ფურგონით მეორე თავდასხმის მცდელობა მას შემდეგ რაც ბარსელონაში ხუთშაბათს ტეორორისტული აქტი მოხდა.

ამერიკის შეერთებული შტატების პრეზიდენტმა, დონალდ ტრამპმა განაცხადა, რომ რადიკალური ისლამისტური ტერორიზმი ნებისმიერ ფასად უნდა იქნეს ალაგმული.

ყველაზე კითხვადი
  1. პრეზიდენტმა ტრამპმა განაცხადა, რომ ტრანსგენდერი ადამიანები ვერ იმსახურებენ „ვერც ერთ თანამდებობაზე“ აშშ-ის არმიაში
  2. ნიკა მელიამ მაიკ პენსს უთხრა: „ბატონო ვიცე-პრეზიდენტო, ხელისუფლება იმართება ‘გაზპრომის’ აქციონერის, ბიძინა ივანიშვილის მიერ, რომელსაც არ უკავია არავითარი ოფიციალური თანამდებობა“
  3. მიხეილ სააკაშვილი: ქართველი ხალხი გამოვა ქუჩებში და გააძევებს ივანიშვილს, როგორც კი მე გამოვჩნდები თბილისში
  4. ოფიციალურმა ფხენიანმა განაცხადა, რომ აშშ-ის ტერიტორიაზე რაკეტების დარტყმის გეგმა „აგვისტოს შუა პერიოდისთვის“ იქნება მზად
  5. სერგეი ლავროვმა განაცხადა, რომ ჩრდილოეთ კორეის სამხედრო კონფლიქტის ალბათობა ძალიან მაღალია
  6. ლადო პაპავა ჯეჯელავას წინააღმდეგ: „გასაგებია, რომ პრემიერ მინისტრი კრონიზმის სენითაა დაავადებული, მაგრამ „ქართულ ოცნებას“ ხომ ჰყავს სხვა ლიდერებიც, მათ რაღა დაემართათ?“
  7. კიმ ჩენ ინმა აშშ-ის ტერიტორიის, გუამის მიმართულებით რაკეტების გაშვების გადაწყვეტილება გადადო
  8. შიშობენ, რომ ასეულობით ადამიანია მოყოლილი მეწყერში, რომელიც სიერა ლეონეს დედაქალაქის სიახლოვეს ჩამოწვა და სახლები მთლიანად დაფარა
  9. ალექსეი სტოლიაროვმა განაცხადა, რომ მინისტრ მღებრიშვილთან სააკაშვილზე ჩაწერილი სატელეფონო საუბარი ნამდვილია და ის „შეუძლია გადასცეს ნებისმიერ ექსპერტიზას“
  10. მიხეილ სააკაშვილი ვიდეომიმართვას ავრცელებს - ახლა არის იმის მცდელობა, მაიძულონ რომ დევნილი გავხდე, ეს არ მოხდება, მე არსად სხვაგან არ დავრჩები და არ შევიცვლი სტატუსს!“
ბოლო სიახლეები
ამინდის პროგნოზი
ვალუტის კურსი