თურქეთში ვიზიტად მყოფი საქართველოს პრეზიდენტი ყარსის კავკასიური უნივერსიტეტის ქართული ენის ფაკულტეტის სტუდენტებს შეხვდა. შეხვედრისას პრეზიდენტმა ყურადღება გაამახვილა თუ რა მნიშვნელობა აქვს თურქეთში მცხოვრები ჩვენი თანამემამულეებისთვის და ასევე თურქებისთვის ქართული ენის შესწავლას.
„ბუნებრივია, არ შემეძლო ყარსში არ შევხვედროდი იმ ადამიანებს, რომლებმაც ქართული ენა და კულტურა გაიხადა შესწავლის საგნად. მე შევხვდი სტუდენტებს, რომლებიც სწავლობენ ქართულად. სწორედ ისინი იქნებიან მომავალში საქართველო-თურქეთის ძალიან მნიშვნელოვანი და სტრატეგიული თანამშრომლობის რეალური ელჩები და ჩვენს ერებს შორის მეგობრობას კიდევ უფრო განამტკიცებენ," განაცხადა გიორგი მარგველაშვილმა.
საქართველოს პრეზიდენტმა სტუდენტებს საჩუქრად წიგნებიც გადასცა.
მანამდე კი საქართველოს პრეზიდენტი თურქეთისა და აზერბაიჯანის პრეზიდენტებთან ერთად ქალაქ ყარსში ჰეიდარ ალიევის სახელობის სკოლა-ლიცეუმის გახსნის ცერემონიას დაესწრო.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.