პრემიერ-მინისტრი ბენჯამინ ნეთანიაჰუ ისრაელის საპარლამენტო არჩევნებში გამარჯვებას ზეიმობს. როგორც მან განაცხადა, იგი უკვე ელაპარაკა მემარჯვენე ცენტრისტული პარტიების ლიდერებს ახალი მთავრობის ფორმირების თაობაზე. მაგრამ ოპოზიციის ლიდერის იატცეკ ჰერცოგის თქმით, არჩევნების შედეგებმა აჩვენა, რომ მისი ალიანსის იგნორირება შეუძლებელი იქნება.
თელავივში თავის მოზეიმე მხარდამჭერებისთვის სიტყვით მიმართვისას ნეთანიაჰუმ სამშაბათს გამართული კენჭისყრა მემარჯვენე ფრთის, "ლიკუდის" პარტიის "დიდ გამარჯვებად" გამოაცხადა. "ლიკუდმა" კი მართლაც იმაზე უკეთესი შედეგი აჩვენა არჩევნებზე, ვიდრე ამას მოელოდნენ.
ნეთანიაჰუმ მოუწოდა ყველა ლიდერს, როგორც ისრაელის "ეროვნულ ბანაკს," "გადაუდებლად ჩამოაყალიბონ მთავრობა". ნეთანიაჰუ, შესაძლოა ისრაელის სათავეში ყველაზე ხანგრძლივად მყოფი ლიდერი აღმოჩნდეს, თუ იგი მეოთხე ვადითაც გაინაღდებს პოსტს.
პროპორციული სისტემით ჩატარებულ ისრაელის საპარლამენტო არჩევნებში არცერთ პოლიტიკურ ძალას არ მოუპოვებია უმრავლესობა. არჩევნებში საარჩევნო ხმის უფლების მქონეთა 72%-მა მიიღო მონაწილეობა და 2013 წელთან შედარებით 4-ით უფრო მაღალი პროცენტული მაჩვენებელი დაფიქსირდა. ისრაელის ტელევიზიებმა, პირველმა და მეათე არხებმა გადმოსცეს, რომ ორივე პარტიას, ლიკუდსა და სიონისტთა კავშირს ქნესეთში 27-27 ადგილი ერგოთ. მეორე არხის ინფორმაციით კი ლიკუდი ერთით წინაა და მას 28 ადგილი აქვს მოპოვებული. ისრაელის 120 კაციან პარლამენტში კი სულ მცირე 61 ხმაა საჭირო, რომ უმრავლესობა მოიპოვო.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.