საქართველოს ყოფილი პრეზიდენტი მიხეილ სააკაშვილი Facebook -ის საკუთარ გვერდზე პარლამენტის წევრის, ნაულ ჯანაშიას გარდაცვალების შესახებ წერს და აღნიშნავს, რომ იგი "იყო ძალიან კეთილშობილი, ჭკვიანი და საინტერესო ადამიანი, რომელსაც ცხოვრების მიზნად სიკეთის თესვა ჰქონდა ქცეული."
"ნაული ჯანაშია იყო პარლამენტის წევრი მარტვილის მაჟორიტარული ოლქიდან. როცა 2012 წელს თითქმის ყველა მაჟორიტარმა გაქუსლა პირველ ადგილზე გასულ პარტიაში, მას ფეხი არ მოუცვლია. ახალმა მთავრობამ ვინ არ გაუგზავნა მას პოლიციით და საგადასახადოთი დაწყებული და ზოგიერთი ღვთისმსახურით დამთავრებული, რათა გადაერწმუნებინათ, მაგრამ ის ყოველთვის მშვიდი და ღირსეული უარით პასუხობდა. ეს იყო ძალიან კეთილშობილი, ჭკვიანი და საინტერესო ადამიანი, რომელსაც ცხოვრების მიზნად სიკეთის თესვა ჰქონდა ქცეული. მის მიერ გაკეთებული სიკეთე კიდევ ძალიან დიდხანს გაგვინათებს გზას," წერს მიხეილ სააკაშვილი.
ნაულ ჯანაშია მძიმე ავადმყოფობის შემდეგ, ორი დღის წინათ გარდაიცვალა. იგი ბოლო ორი მოწვევის პარლამენტში მარტვილის მაჟორიტარი დეპუტატი იყო "ნაციონალური მოძრაობიდან".
ნაულ ჯანაშია საქართველოში დაბრუნებამდე ხანგრძლივად მოღვაწეობდა რუსეთში. იყო მოსკოვის ელექტრო მოძრავი ქარხნის დირექტორის მოადგილე უსაფრთხოების დარგში, გენერალური დირექტორის მოადგილე კომერციულ დარგში და კომერციული დირექტორი. მშობლიურ სოფელ დიდ ჭყონში მისი დაფინანსებით აშენდა წმინდა ნიკოლოზის სახელობის საკათედრო ტაძარი, რომელიც 2011 წლის 20 მაისს საქართველოს კათოლიკოს-პატრიარქმა, უწმინდესმა და უნეტარესმა ილია მეორემ აკურთხა. ტაძრის კურთხევის შემდეგ ნაულ ჯანაშიამ guardian.ge -ს განუცხადა, რომ ამ ტაძრის აშენებით მისი დიდი ხნის წინანდელი ოცნება ასრულდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.