საქართველოს თავდაცვის მინისტრის პირველმა მოადგილემ ლელა ჩიქოვანმა და გენერალური შტაბის უფროსის მოადგილემ ნიკოლოზ ჯანჯღავამ აშშ-ის მრჩეველთა თავდაცვის ინსტიტუციური აღმშენებლობის ჯგუფის წარმომადგენლებთან შემაჯამებელი შეხვედრა გამართეს.
თავდაცვის სამინისტროს ინფორმაციით, ამერიკის შეერთებული შტატების თავდაცვის ინსტიტუციური აღმშენებლობის ჯგუფის ვიზიტის მიზანი საქართველოს თავდაცვის მზადყოფნის პროგრამის გრძელვადიან პერსპექტივაში ინსიტუტუციური განვითარების მხარდაჭერას წარმოადგენდა.
„ვიზიტის ფარგლებში შეხვედრები გაიმართა თავდაცვის სამინისტროს სამოქალაქო ოფისისა და გენერალური შტაბის წარმომადგენლებთან, მოხდა საქართველოს თავდაცვის მზადყოფნის პროგრამის განხორციელებასთან დაკავშირებული პროცესების ანალიზი და შეფასება. გარდა ამისა, დაისახა სამომავლო გეგმები, რომელთა წარმატებით განხოციელების მხარდაჭერაზე ამერიკულმა მხარემ მზაობა გამოხატა.
შემაჯამებელ შეხვედრაზე მხარეებმა ხაზი გაუსვეს ადამიანური რესურსების, ლოგისტიკის პოლიტიკის, რესურსების მართვის, წვრთნებისა და სამხედრო განათლების მიმართულებით მიმდინარე და დაგეგმილ სამუშაოებს და ასევე მათ შესაბამისობას შეიარაღებული ძალების საბრძოლო მზადყოფნის მოთხოვნებთან“, - აცხადებენ თავდაცვის სამინისტროში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.