რაიმონდს ბერგმანისი: „ნატო-საქართველოს კომისიის სხდომაზე აბსოლუტურად ყველა მინისტრმა გამოხატა მხარდაჭერა საქართველოს ტერიტორიული მთლიანობისა და სუვერენიტეტის მიმართ“
16-02-2017, 10:03

შრიფტის ზომა: [ A+ ] / [ A- ]

 

ნატოს თავდაცვის მინისტერიალის ფარგლებში საქართველოს თავდაცვის მინისტრმა ლევან იზორიამ ბოლო ორმხრივი შეხვედრა ლატვიელ კოლეგასთან რაიმონდს ბერგმანისთან გამართა.

 

 

როგორც საქართველოს თავდაცვის სამინისტროს პრესსამსახური იუწყება, შეხვედრის დასაწყისში ლევან იზორიამ კოლეგას მადლობა გადაუხადა ლატვიის პოლიტიკური მხარდაჭერისთვის და თავდაცვის სფეროში პრაქტიკული დახმარებისთვის. თავის მხრივ, კი რაიმონდს ბერგმანისმა კიდევ ერთხელ გამოხატა ლატვიის რესპუბლიკის მხარდაჭერა საქართველოს ევროატლანტიკურ სტრუქტურებში გაწევრიანების გზაზე: „ლატვია ყოველთვის უწევს დახმარებას და მხარდაჭერას უცხადებს საქართველოს ევროატლანტიკური მისწრაფების პროცესს. ნატო-საქართველოს კომისიის სხდომაზე აბსოლუტურად ყველა მინისტრმა გამოხატა მხარდაჭერა საქართველოს ტერიტორიული მთლიანობისა და სუვერენიტეტის მიმართ. ეს საკითხი ეჭვგარეშეა“.

 

 

ლევან იზორიამ კოლეგას საქართველოს თავდაცვის უწყებაში მიმდინარე ტრანსფორმაციის პროცესის შესახებ მიაწოდა ინფორმაცია. მინისტრებმა ორმხრივი თანამშრომლობის საკითხებზე იმსჯელეს და ნატო-საქართველოს არსებითი პაკეტის (SNGP) იმპლემენტაციის პროცესი განიხილეს. როგორც რაიმონდს ბერგმანისმა აღნიშნა, საქართველოსა და ლატვიას შორის ორმხრივი თანამშრომლობა ძალიან ნაყოფიერია და ნატო-საქართველოს წვრთნისა და შეფასების ერთობლივ ცენტრში ძალიან კარგი ლატვიელი ექსპერტია მივლენილი.

 

 

საუბარი შეეხო სკანდინავია-ბალტიის ქვეყნების წარმატებული თანამშრომლობის ფორმატს. როგორც საქართველოს თავდაცვის მინისტრმა აღნიშნა, ამ ფორმატში საქართველოს ჩართვა თავდაცვის სფეროს განვითარების ახალი და ეფექტური მექანიზმი გახდება.

 

 

განხილვის ერთ-ერთი თემა იყო ავღანეთში მიმდინარე „მტკიცე მხარდაჭერის“ მისიაში ჩართულობა. ლევან იზორიამ კოლეგასთან კიდევ ერთხელ გამოხატა საქართველოს ხელისუფლების მზაობა, რომ ქართული კონტინგენტი ავღანეთში მომავალი წლის გაზაფხულამდე დარჩება და მსოფლიო უსაფრთხოების საქმეში გააგრძელებს კონტრიბუციას. რაიმონდს ბერგმანისმა კი, გასული წლის ნოემბერში ავღანეთში, გერმანის საკონსულოზე მომხდარი თავდასხმის ფაქტი გაიხსენა და ქართველ მშვიდობისმყოფელებს მადლობა გადაუხადა: „პირადად მე, ქართველ ხალხს ძალიან ვაფასებ. გასული წლის ნოემბერში ავღანეთში ვიყავი, სადაც ლატვიელი სამხედროები მშვიდობისთვის კოალიციური ძალების მხარდამხარ იბრძვიან. ძალიან საინტერესოა ის ფაქტი, რომ ჩემი ავღანეთში ვიზიტიდან ზუსტად ერთი დღის შემდეგ, გერმანიის საკონსულოზე თავდასხმის დროს ლატვიელმა და ქართველმა მშვიდობისმყოფელებმა, ავღანეთის ადგილობრივი ძალების დახმარებით, გერმანელი დიპლომატების სიცოცხლე გადაარჩინეს. მე ბევრი მადლობა მივიღე გერმანული და ქართული მხრიდან. მინდა, მადლობა გადავუხადო ქართველებს. ჩვენი სამხედროები ავღანეთში ძალიან რთულ მისიას ასრულებენ და წვლილი შეაქვთ მსოფლიოში მშვიდობის უზრუნველყოფაში. საქართველო, როგორც ნატოს არაწევრი ქვეყანა, ყველაზე მსხვილი კონტრიბუტორია ავღანეთში მიმდინარე საერთაშორისო მისიაში“.

 


ბრიუსელში ორდღიანი ნატოს თავდაცვის მინისტერიალი უკვე დასრულდა. საქართველოს თავდაცვის მინისტრმა ნატო-საქართველოს კომისიის სხდომაში მიიღო მონაწილეობა და უცხოელ კოლეგებთან ორმხრივი შეხვედრები გამართა.

 

 

კომენტარები: 0
კომენტარის დატოვება

თქვენი სახელი:*
თქვენი E-Mail:
  ქართულად წერა  
 

ძვირფასო მკითხველო! გამოხატეთ თქვენი აზრი აღნიშნული თემის გარშემო. გთხოვთ დაიცვათ კორექტულობა და პატივი სცეთ სხვების მოსაზრებებს.

მუქი დახრილი ხაზგასმული აღნიშნული | მარცხნივ განთავსება ცენტრში განთავსება მარჯვნივ განთავსება | სმაილების ჩასმა ლინკის ჩასმაფარული ლინკის ჩასმა Choice the color | ფარული ტექსტი ციტირების ჩასმა მონიშნული ტექტსი კირილიკურზე გადაყვანა. Insert spoiler

შეიყვანე კოდი: *

მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.

GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.

ყველაზე კითხვადი
ბოლო სიახლეები
ამინდის პროგნოზი
ვალუტის კურსი