სამხრეთ სუდანის ზოგიერთ ნაწილში შიმშილობა გამოცხადდა - რაც ბოლო 6 წლის განმავლობაში პირველი შემთხვევაა მთელი მსოფლიოს მასშტაბით.
მთავრობის და გაერთიანებული ერების ორგანიზაციის ცნობების თანახმად 100 000 ადამიანი შიმშილის წინაშე დგას, ხოლო 1 მილიონზე მეტი შიმშილის ზღვარზე იმყოფება. ამის მიზეზად კი სამოქალაქო ომისა და ეკონომიკური კოლაფსის კომბინაცია სახელდება.
შიმშილის შესახებ გაფრთხილებები გაისმის იემენში, სომალიში და ჩრდილო-აღმოსავლეთ ნიგერიაში, მაგრამ სამხრეთ სუდანი პირველია, რომელმაც ამის თაობაზე გამოაცხადა.
როგორც BBC წერს, შიმშილს ამჟამად სამხრეთ სუდანის ზოგიერთი ნაწილი აქვს მოცული, მაგრამ ჰუმანიტარულმა ჯგუფებმა გამაფრთხილებელი განცხადება გააკეთეს, რომ კრიზისი შესაძლოა გავრცელდეს სხვაგანაც, თუკი სასწრაფო დახმარება არ იქნება მიღებული.
დახმარების სააგენტოებმა, მათ შორის გაერო-ს მსოფლიო სასურსათო პროგრამამ და ბავშვების ფონდმა, Unicef-მა განაცხადეს, რომ 4.9 მილიონი ადამიანი - სამხრეთ სუდანის მოსახლეობის 40%-ზე მეტი - საკვებით სასწრაფოდ დახმარებას საჭიროებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.