ვახტანგ ჭაბუკიანის სახელობის მემორიალური ბინა-მუზეუმის განახლებული ექსპოზიცია გაიხსნა
27-02-2017, 06:14

შრიფტის ზომა: [ A+ ] / [ A- ]

 

თბილისის მერმა დავით ნარმანიამ, თბილისის მუზეუმების გაერთიანების სტრუქტურული ერთეულის, ვახტანგ ჭაბუკიანის სახელობის მემორიალური ბინა-მუზეუმის განახლებული ექსპოზიცია გახსნა. ექსპოზიცია სიმბოლურად, ვახტანგ ჭაბუკიანის 107-ე დაბადების დღეს მიეძღვნა.

 


თბილისის მერიის ცნობით, მუზეუმი, რომელშიც 4565 ექსპონატია დაცული, ერთი თვის განმავლობაში დახურული იყო. შენობაში ჩატარდა სარემონტო სამუშაოები, განხორციელდა ექსპონატების აღწერა და რესტავრაცია, ასევე რეექსპოზიცია.

 


მათივე ინფორმაციით, ღონისძიების ფარგლებში, პირველად გამოიფინა დიდი ქართველი ბალეტმაისტერის, ვახტანგ ჭაბუკიანის სასცენო კოსტიუმები ისეთი წარმატებული სპექტაკლებიდან, როგორებიცაა - „წითელი ყაყაჩო”, „ცეცხლის ცეკვა მაშხალებით”, „ოტელო”, „რაიმონდა”, „ლაურენსია”, „ტარას ბულბა”, „კორსარი”, „კარმენი”, „დონ-კიხოტი” და „ბაიადერა”.

 


დავით ნარმანიას განცხადებით, მიმდინარე წელს, თბილისის მერიის ა(ა)იპ „მუზეუმების გაერთიანება“ არაერთ მნიშვნელოვან პროექტს განახორციელებს.

 


„გაკეთდა ძალიან მნიშვნელოვანი საქმე, განახლდა ვახტანგ ჭაბუკიანის სახელობის ბინა-მუზეუმი, სადაც დღეიდან გამოფენილია ყველა ის საინტერესო ნივთი და ექსპონატი, რომელიც მის ცხოვრებას და მოღვაწეობას უკავშირდება. დარწმუნებული ვარ, რომ ექსპოზიცია არაერთ მნახველს გაახარებს და მისცემს იმ, ასე ვთქვათ, ძალიან საინტერესო და მნიშვნელოვან ინფორმაციას, რომელიც დღემდე საზოგადოებისთვის იყო უცნობი,“- განაცხადა თბილისის მერმა.

 


„ღონისძიებაზე დავით ნარმანიასთან ერთად, მერის მოადგილე ნინა ხატისკაცი და კულტურის საქალაქო სამსახურის უფროსი ია მაქაცარია იმყოფებოდნენ. მუზეუმს დღეს ის ადამიანებიც სტუმრობდნენ, ვინც ცნობილ ბალეტმაისტერს პირადად იცნობდა, მასთან პროფესია ან მეგობრობა აკავშირებდა. დღესვე ცნობილი გახდა, რომ კომპოზიტორ შალვა დავითაშვილის ოჯახი ჭაბუკიანის მუზეუმს პირად არქივში დაცულ უნიკალურ ჩანაწერს გადასცემს, რომელშიც ბალეტმაისტერის ინტერვიუ და ფილმი-ბალეტის - ”ლაურენსია” სრული ვერსიაა ასახული.

 


ვახტანგ ჭაბუკიანი ქართველი მოცეკვავე, ბალეტმაისტერი, სსრკ-ის სახალხო არტისტი და ქართული პროფესიული ბალეტის ფუძემდებელია.

 


ჭაბუკიანი საბალეტო ხელოვნების რეფორმატორად ითვლება. საბალეტო კლასიკასთან ქართული ხალხური ცეკვის შერწყმით მან შექმნა ეროვნული კლასიკური ბალეტის თავისებური სახეობა. განსაკუთრებული წარმატება ხვდა წილად ვახტანგ ჭაბუკიანის მიერ შესრულებულ ოტელოს პარტიას, სადაც ერთმანეთს შეერწყა მოქმედი ცეკვა და პანტომიმა.

 


ვახტანგ ჭაბუკიანმა პირველი საკონცერტო ნომერი – „ცეცხლის ცეკვა“ 15 წლის ასაკში დადგა, საგმირო ხასიათის ცეკვებზე კი, პირველი განაცხადი ნომრით „ცეცხლის ცეკვა მაშხალებით“ გააკეთა, რომელიც 1929 წელს, ლენინგრადის ქორეოგრაფიული სასწავლებლის გამოსაშვები საღამოსთვის დადგა და შეასრულა.

 


ა(ა)იპ „მუზეუმების გაერთიანება“ 2016 წლის 29 ივლისს დაფუძნდა და წარმოადგენს თბილისის მუნიციპალური მუზეუმების გაერთიანებას, რომელიც 9 დამოუკიდებელი მუზეუმის ერთიან ინსტიტუციას გულისხმობს. გაერთიანებაში შემავალი მუზეუმების უმრავლესობა მრავალი წელია არსებობს და ქართული კულტურული და ისტორიული მემკვიდრეობის დამცველად გვევლინება", - ნათქვამია მერიის მიერ გავრცელებულ ინფორმაციაში.

 

კომენტარები: 0
კომენტარის დატოვება

თქვენი სახელი:*
თქვენი E-Mail:
  ქართულად წერა  
 

ძვირფასო მკითხველო! გამოხატეთ თქვენი აზრი აღნიშნული თემის გარშემო. გთხოვთ დაიცვათ კორექტულობა და პატივი სცეთ სხვების მოსაზრებებს.

მუქი დახრილი ხაზგასმული აღნიშნული | მარცხნივ განთავსება ცენტრში განთავსება მარჯვნივ განთავსება | სმაილების ჩასმა ლინკის ჩასმაფარული ლინკის ჩასმა Choice the color | ფარული ტექსტი ციტირების ჩასმა მონიშნული ტექტსი კირილიკურზე გადაყვანა. Insert spoiler

შეიყვანე კოდი: *

დიდი ბრიტანეთს მთავრობა, ჰაერის დაბინძურების შემცირების მიზნით, აპირებს 2040 წლიდან დიზელზე და ბენზინზე მომუშავე ავტომობილები აკრძალოს.

დემენციით დააავადებული ქალბატონი, რომელიც დაკარგულად ცნეს, პოლიციის ძაღლმა სურნელოვანი სახვევის დახმარებით წუთებში იპოვა.

ყველაზე კითხვადი
  1. პრეზიდენტმა ტრამპმა განაცხადა, რომ ტრანსგენდერი ადამიანები ვერ იმსახურებენ „ვერც ერთ თანამდებობაზე“ აშშ-ის არმიაში
  2. „ქართველთა მარში“ გაიმართება, - შინაურების გამოსაფხიზლებლად და გარეულების გასაფრთხილებლად!“
  3. თემურ ბასილია: „გარწმუნებთ, „ქართული მარშის“ მოთხოვნები დიდად არ განსხვავდება ამერიკის რესპუბლიკური პარტიის და პრეზიდენტ ტრამპის საარჩევნო პროგრამებისგან საემიგრაციო საკითხებზე“
  4. მიხეილ სააკაშვილი კახა კალაძეზე: ერთი ოროსანი სვამს მეორე ოროსანს - აბსოლუტურ ბრიყვს და გაუნათლებელს - მილიონნახევრიანი ქალაქის მერად
  5. შსს: 100 ქულის ამოწურვის შემდეგ, 1 წლის განმავლობაში მხოლოდ ერთხელ იქნება დასაშვები მართვის უფლების მისაღებ გამოცდაზე გასვლა
  6. შალვა ნათელაშვილი: „ივანიშვილი ინსულტირებული, პარალიზებული და სრულიად ქმედუუნაროა... მასთან პუტინის სახელით ჩავიდა მილერი და შეეცადა მისი გარემოცვისთვის გაგებინებას, რომ ძალაუფლება კალაძეს გადააბაროს“
  7. „ქართული ოცნება“ 2017 წლის ადგილობრივ არჩევნებში დღევანდელი გამგებლების აბსოლუტურ უმრავლესობას არ წარადგენს - წყაროები
  8. ლეჩხუმის ტურისტული ინფრასტრუქტურის განვითარებისთვის 551,700 ლარი დაიხარჯება - რევაზ ბენიძე აცხადებს, რომ მხარის დიდი პოტენციალის გამოუყენებლობა „დიდი დანაშაული იქნება“
  9. ისრაელის საგარეო საქმეთა სამინისტრო აცხადებს, რომ ჯორჯ სოროსი შეუწყვეტლივ უთხრის ძირს ისრაელის დემოკრატიულად არჩეულ მთავრობებს
  10. რექს ტილერსონმა განაცხადა, რომ ტრამპმა პუტინთან შეხვედრის დასაწყისშივე არაერთხელ წამოსწია რუსეთის მიერ აშშ-ის არჩევნებში ჩარევასთან დაკავშირებით არსებული წუხილი
ბოლო სიახლეები
ამინდის პროგნოზი
ვალუტის კურსი