ჭყონდიდის მიტროპოლიტმა, პეტრე ცაავამ მთავარი პროკურატურის შენობა დატოვა. მიტროპოლიტი პროკურატურის შეკითხვებს რამდენიმე საათის განმავლობაში პასუხობდა.
როგორც მან ჟურნალისტებთან საუბრისას განაცხადა, კითხვებს პასუხები შეძლებისდაგვარად გასცა.
„კარგი იქნებოდა, რომ ჩემამდე ყველაზე დიდი განცხადების ავტორები დაეკითხათ - ვგულისხმობ ქვეყნის პირველ პირებს, რომლებმაც ასე გააზვიადეს და გაუგებრობაში შეიყვანეს ქართული მოსახლეობა", - განაცხადა მეუფე პეტრე ცაავამ, რომლის თქმითაც, დაკითხვაზე საუბარი ესემეს-მიმოწერაზეც იყო.
„რუსთავი 2"-ის ინფორმაციით, მიტროპოლიტმა ტელეკომპანიას პროკურატურაში მისვლამდე, სატელეფონო მიმოწერის ამსახველი ფოტოები მიაწოდა. სამაუწყებლო კომპანიის ცნობით, ჩანაწერში უცნობი პირი მეუფეს აფრთხილებს და გამოძიებასთან თავის შეკავებას ურჩევს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.