საქართველოს ყოფილ გენერალურ კონსულს უკრაინაში, თეიმურაზ ნიშნიანიძეს უკრაინის პროკურატურამ დიდი ოდენობით ქონების მითვისებისთვის ბრალი წაუყენა. საქმე კონსულის თანამდებობაზე მისი მუშაობის პერიოდს ეხება.
ნიშნიანიძე კიევი-ოდესის გზაზე გააჩერეს და ბრალიც იქვე წაუყენეს, რისი ამსახველი ვიდეომასალაც „ფეისბუქის" გვერდზე თავადვე გამოაქვეყნა.
„ღამის 2 საათზე საპატრულო პოლიციამ ვითომდა საგზაო წესების დარღვევისთვის შემაჩერა. როგორც კი გადმოვედი სპეცოპერაციის სტილში, უკრაინის უშიშროებამ და გენპროკურატურამ გადაკეტეს გზა და მითხრეს, რომ გენერალური კონსულობის პერიოდში, რაღაც ჩემთვის უცნობ საქმეში, რომლის ღონისძიებაც მიდის დახურულად, ჩუმად, მე მედება ბრალი. ყოველგვარი მტკიცებულება ჩემთვის უცნობია. ეს იყო პრეზიდენტის ადმინისტრაციის დავალება, რათა მოხდეს დისკრედიტაცია პირადად ჩემი და გუნდთან ვისთანაც მე ვასოცირდები.... მე რომ დამალვა მდომებოდა საქართველოში აბსოლუტურად მყუდროდ და უსაფრთხოდ ვგრძნობდი თავს. შეგნებულად ჩამოვედი და არსად არ ვაპირებ გაქცევას. ვაპირებ ვითანამშრომლო გამოძიებასთან და ვაპირებ საქმეს გავყვე ბოლომდე”, - განაცხადა ნიშნიანიძემ „რუსთავი 2"-თან საუბრისას.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.