თბილისის მერის, დავით ნარმანიას განცხადებით, კლდიაშვილის ქუჩაზე ხანძრის შედეგად დაზარალებულ მოსახლეობას დახმარება გაეწევა.
„დილიდან ექსპერტიზის ეროვნული ბიუროს და თბილისის მერიის ლაბორატორიის წარმომადგენლებმა დაათვალიერეს შენობა. ამ ეტაპზე მიყენებული ზიანის დაანგარიშება მიმდინარეობს. გუშინ ღამე მოსახლეობა სხვადასხვა სასტუმროებში დაბინავდა. დღეიდან, იქ, სადაც უსაფრთხოა ცხოვრება, მოსახლეობა, რასაკვირველია, შევა თავის სახლებში, თუმცა, არის დაზიანებული ბინებიც, სადაც აღდგენასთან დაკავშირებულ საკითხებზე ვიმუშავებთ, რათა დროულად აღდგეს. მაქსიმალურად დავეხმარებით მოსახლეობას.
70-მდე ოჯახი ცხოვრობს ამ სახლში, თუმცა, დაზარალებული ნაკლებია. საკმაოდ დიდი სახლია, ისტორიული ძეგლის სტატუსი აქვს, სამსართულიანია. არის ბინების ნაწილი, რომელსაც ცეცხლი არ მოკიდებია, ვინაიდან, ოპერატიულად იმუშავა სახანძრო სამსახურმა", - განაცხადა ნარმანიამ ჟურნალისტებთან საუბრისას.
კლდიაშვილის ქუჩაზე გაჩენილი ხანძრის შედეგად, გუშინ 2 000 კვადრატული მეტრის საცხოვრებელი ფართი დაიწვა. ხანძრის ლოკალიზების დროს 3 მეხანძრე მსუბუქად დაზიანდა.
მომხდართან დაკავშირებით, გამოძიება სისხლის სამართლის კოდექსის 188-ე მუხლით მიმდინარეობს, რაც დაუდევრობით სხვისი ნივთის დაზიანებას გულისხმობს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.