პატრიარქის დაცვის ყოფილი უფროსი სოსო ოხანაშვილი საპატრიარქოს იურისტის, ედიშარ ქარჩავას მიერ მისი მისამართით გაკეთებულ განცხადებას ეხმაურება.
ოხანაშვილმა „რუსთავი 2"-თან სატელეფონო საუბრისას განაცხადა, რომ ედიშერ ქარჩავა მისთვის პიროვნება არ არის.
„რა ინტერვიუ უნდა მოგცეთ შორენას ადვოკატზე, ეს ჩემთვის პიროვნება არ არის,“ - განაცხადა სოსო ოხანაშვილმა.
საპატრიარქოს იურისტის, ედიშერ ქარჩავას განცხადებით, ე.წ. ციანიდის საქმეში ერთ-ერთი მთავარი ეჭვმიტანილი პატრიარქის დაცვის ყოფილი უფროსი სოსო ოხანაშვილია.
ქარჩავამ აღნიშნულ საკითხთან დაკავშირებით გაზეთ „კვირის პალიტრასთან" ინტერვიუში ისაუბრა.
„ეჭვს ვერ შევიტან იმ ვიდეოფირის ნამდვილობაში, რაც საზოგადოებამ ნახა. მის ავთენტურობას, ფაქტობრივად, მამა გიორგის ადვოკატებიც ადასტურებენ. ფაქტები ღაღადებენ იმაზე, რომ მამა გიორგი დაინტერესებული იყო ციანიდის შეძენით.
მამა გიორგი ძალიან ცუდ გზაზე იდგა. ვერ შეასრულა, რაც უნდოდა. უნდოდა თუ არა ვინმეს მოკვლა, გამოძიების პრეროგატივაა.
არა მგონია, მას თავისი ინიციატივით ემოქმედა. თუ მამა გიორგის რაიმე განზრახვა ჰქონდა, მას სატელეფონო ან სხვა სახის კონტაქტი ექნებოდა გერმანიაში მყოფ პირებთან. გერმანიაში მყოფი პირების წრე კი ცნობილია.
... ის პირი, ვისთანაც მამა გიორგის ახლო ურთიერთობა და კონტაქტი ჰქონდა, უკვე დაჰკითხა გამოძიებამ", - განაცხადა ედიშერ ქარჩავამ.
კითხვაზე, გულისხმობს თუ არა პატრიარქის დაცვის ყოფილ უფროსს, იურისტი პასუხობს:
„დიახ, დაცვის უფროსი მყავს მხედველობაში. ამ საქმეში ერთ-ერთი მთავარი ეჭვმიტანილი, ვისთანაც მას ახლო ურთიერთობა ჰქონდა, არის სოსო ოხანაშვილი. ტელევიზიითაც საუბრობდა საშიშროებაზე, რომ შესაძლოა დააკავონ", - აცხადებს იურისტი, რომლის აზრითაც, „რაც ხდება, ყველაფერი მიმართულია ქალბატონი შორენას [თეთრუაშვილი] დისკრედიტაციისკენ".
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.