ეგზიტ პოლების მიხედვით, ჰოლანდიის საპარლამენტო არჩევნებში ადგილების უმეტესობა პრემიერ მინისტრის, მარკ რუტეს პარტიამ მოიპოვა.
როგორც BBC იუწყება, წინასწარმა პირველადმა შედეგებმა დაადასტურა ეგზიტ პოლების მონაცემები, რომლის თანახმადაც VVD -ის პარტია (ჰოლანდიური აბრევიატურა - „ხალხის პარტია თავისუფლებისა და დემოკრატიისთვის“) 150-დან 31ადგილს მიიღებს. დანარჩენი ადგილები სამ პარტიაზე გადანაწილდება: გერტ ვილდერსის ანტი-იმიგრაციის „თავისუფლების პარტია“ (PVV), „ქრისტიან-დემოკრატები და „D66“ პარტია - თითოეულს 19 ადგილი ერგება.
წინასწარი გამოკითხვებისას მოწინავე პოზიციაზე იყო ვილდერსის პარტია, მაგრამ უკანასკნელ დღეებში, როგორც ჩანს მისი პარტიისადმი მხარდაჭერა შესუსტდა.
ხუთშაბათის წინასწარი შედეგებით, დათვლილი ხმების 10.9%-ის მიხედვით, VVD-მ 17.8% მიიღო.
ამომრჩეველთა აქტივობა საკმაოდ მაღალი - 81% იყო, რაც 30 წლის განმავლობაში ყველაზე მაღალი მაჩვენებელია. ანალიტიკოსების თქმით, მაღალმა აქტივობამ შესაძლოა სარგებელი მოუტანა პრო-ევროკავშირის და ლიბერალურ პარტიებს.
„დღეს დემოკრატიის ზეიმი იყო“, განაცხადა რუტემ და დაამატა, რომ ნიდერლანდებმა უთხრა არა, „მცდარი სახის პოპულიზმს“.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.