გიორგი მარგველაშვილს საპატიო დოქტორის წოდება მიანიჭეს
17-03-2017, 03:52

შრიფტის ზომა: [ A+ ] / [ A- ]

 

საქართველოს პრეზიდენტი გიორგი მარგველაშვილი ბაქოში სამუშაო ვიზიტის დასასრულს, თანმხლებ დელეგაციასთან ერთად, აზერბაიჯანის რესპუბლიკის პრეზიდენტთან არსებულ სახელმწიფო მართვის აკადემიას ეწვია, სადაც სტუდენტებსა და პროფესორებს შეხვდა.

 


გიორგი მარგველაშვილს აკადემიის რექტორმა, ურხან ალეკპეროვმა პირადად უმასპინძლა. საქართველოს პრეზიდენტმა საპატიო სტუმართა წიგნში სამახსოვრო ჩანაწერიც გააკეთა.

 


პრეზიდენტის ადმინისტრაციის ცნობით, ურხან ალეკპეროვმა დამსწრე საზოგადოებას მისასალმებელი სიტყვით მიმართა და საქართველოს პრეზიდენტს სტუმრობისათვის მადლობა გადაუხადა, რის შემდეგაც გიორგი მარგველაშვილისათვის საპატიო დოქტორის წოდების მინიჭების ოფიციალური ცერემონია გაიმართა.

 


საზეიმო ცერემონიის დასრულების შემდეგ, საქართველოს პრეზიდენტმა სტუდენტების, აკადემიური პერსონალისა და მოწვეული სტუმრებისათვის საჯარო ლექცია წაიკითხა.

 


გიორგი მარგველაშვილმა აკადემიის ხელმძღვანელობას დაფასებისათვის მადლობა გადაუხადა და სახელმწიფოს დინამიური განვითარებისათვის განათლების მნიშვნელობას გაუსვა ხაზი.

 


პრეზიდენტმა მარგველაშვილმა საქართველო-აზერბაიჯანის მრავალსაუკუნოვანი ურთიერთობის შესახებ ისაუბრა და ყურადღება ორი სახელმწიფოს პოლიტიკური, სავაჭრო-ეკონომიკური და კულტურულ-ჰუმანიტარული თანამშრომლობის განვითარების პერსპექტივაზე გაამახვილა.

 


როგორც საქართველოს პრეზიდენტმა აღნიშნა, მნიშვნელოვანია, რომ ქვეყნებს შორის არსებული მეგობრული ურთიერთობა სტრატეგიულ პარტნიორობაში გადაიზარდა.

 


ქვეყნის პირველმა პირმა ხაზი გაუსვა, რომ ჩვენი წინაპრების მიერ ჩადებულმა თანამშრომლობის ფუნდამენტმა სახელმწიფო ლიდერებს - ედუარდ შევარდნაძესა და ჰეიდარ ალიევს რეგიონული მნიშვნელობის პროექტების განხორციელების საშუალება მისცა, რამაც საქართველოს, აზერბაიჯანსა და მთელ რეგიონს განსაკუთრებული გეოპოლიტიკური მნიშვნელობა მიანიჭა.

 


გიორგი მარგველაშვილის განცხადებით, საქართველო და აზერბაიჯანი არა მხოლოდ თანამშრომლობენ სხვადასხვა მიმართულებით, არამედ ავსებენ ერთმანეთს და ახალ შესაძლებლობებს უხსნიან.

 


როგორც ქვეყნის პირველმა პირმა აღნიშნა, საქართველო ქმნის აზერბაიჯანის მდიდარი ენერგორესურსების ტრანსპორტირების შესაძლებლობებს.

 


საქართველოს პრეზიდენტმა ყურადღება იმ ფართომაშტაბურ ენერგო და სატრანსპორტო პროექტებზე გაამახვილა, რომელსაც საქართველო აზერბაიჯანთან ერთად ახორციელებს;

 

 

მათ შორის, საუბარი შეეხო ბაქო-თბილისი-ჯეიჰანისა და ბაქო-თბილისი-ერზერუმის პროექტებს, ბაქო-თბილისი-ყარსის რკინიგზას, TANAP-ისა და TAP-ის გაზსადენებს, ასევე ახალი აბრეშუმის გზის პროექტს.

 


გიორგი მარგველაშვილის თქმით, საქართველო და აზერბაიჯანი მუდმივად განიხილავენ ახალ ინიციატივებს თანამშრომლობის განვითარებისათვის.

 


პრეზიდენტმა მარგველაშვილმა საქართველოს, როგორც ევროპისა და აზიის დამაკავშირებელი ხიდის მნიშვნელობაზეც გაამახვილა ყურადღება, რაც სავაჭრო-ეკონომიკური მიმართულებით საერთაშორისო თანამშრომლობის ფართო შესაძლებლობებს ქმნის.

 


გიორგი მარგველაშვილმა აღნიშნა, რომ ევროკავშირთან ასოცირების შეთანხმების, მათ შორის ღრმა და ყოვლისმომცველი თავისუფალი სავაჭრო სივრცის შესახებ ხელშეკრულების ხელმოწერამ, საქართველო ევროკავშირთან ურთიერთობის ახალ საფეხურზე გადაიყვანა და ამით ევროკავშირის ბაზარზე გასასვლელად აზერბაიჯანელი ბიზნესმენებისა და ინვესტორებისთვისაც ახალი შესაძლებლობები შექმნა.

 


საქართველოს პრეზიდენტის განცხადებით, საქართველო-აზერბაიჯანის თანამშრომლობა მომავალში კიდევ უფრო გაღრმავდება და ისეთივე წარმატებული იქნება, როგორც ახლა, რაშიც განსაკუთრებული მნიშვნელობა ახალ თაობას ენიჭება.

 

კომენტარები: 0
კომენტარის დატოვება

თქვენი სახელი:*
თქვენი E-Mail:
  ქართულად წერა  
 

ძვირფასო მკითხველო! გამოხატეთ თქვენი აზრი აღნიშნული თემის გარშემო. გთხოვთ დაიცვათ კორექტულობა და პატივი სცეთ სხვების მოსაზრებებს.

მუქი დახრილი ხაზგასმული აღნიშნული | მარცხნივ განთავსება ცენტრში განთავსება მარჯვნივ განთავსება | სმაილების ჩასმა ლინკის ჩასმაფარული ლინკის ჩასმა Choice the color | ფარული ტექსტი ციტირების ჩასმა მონიშნული ტექტსი კირილიკურზე გადაყვანა. Insert spoiler

შეიყვანე კოდი: *

პრეზიდენტმა დონალდ ტრამპმა მის წინამორბედს, ბარაქ ობამას 2016 წლის ამერიკის შეერთებული შტატების საპრეზიდენტო არჩევნებში რუსეთის სავარაუდო ჩარევასთან დაკავშირებით უმოქმედობაში დასდო ბრალი.

მადრიდში მოსამართლემ ესპანელი მხატვრის, სალვადორ დალის ცხედრის ექსგუმაციის გადაწყვეტილება მიიღო, რათა მამობის დასადგენ სასამართლო პროცესზე ნიმუშები მიიღოს.

ყველაზე კითხვადი
  1. NATO-ს საპარლამენტო ასამბლეა მოუწოდებს რუსეთს უკან გაიწვიოს საქართველოს ოკუპირებული რეგიონების, როგორც დამოუკიდებელი ქვეყნების აღიარება და ამ ტერიტორიებიდან გაიყვანოს საკუთარი შეიარაღებული ძალები
  2. კახა კალაძე თბილისში გამართულ საპროტესტო აქციას ეხმაურება: „მიუღებელია, როცა ძალოვანი სტრუქტურის თანამშრომლის მხრიდან თუნდაც ეჭვის დონეზე უშვებ ნარკოტიკის ჩადების შესაძლებლობას“
  3. ლევან და გია ყარამანაშვილები: „ნიკა გვარამიას ხვალვე შეუძლია განაახლოს რუსთავი 2-ში თავისი უფლება-მოვალეობების შესრულება“
  4. კვირიკაშვილმა რუსეთის დუმის დეპუტატის, ნიკონოვის რეპლიკას - რუსეთი წინააღმდეგია საქართველო-უკრაინის NATO-ში ინტეგრაციის - უპასუხა: „რომელ ქვეყანაზე ლაპარაკობს რუსეთი?“
  5. აშშ-ის სახელმწიფო დეპარტამენტი დაჟინებით მოუწოდებს საქართველოს, რომ თბილისში გატაცებული აფგან მუხტარლის საქმის გამოძიება სრულად, გამჭვირვალედ და დროულად ჩაატაროს
  6. ვლადიმერ პუტინმა განაცხადა, რომ რუსეთის 2018 წლის საპრეზიდენტო არჩევნებში მისი მონაწილეობის შესახებ საუბარი ჯერ ნაადრევია
  7. ზაქარია ენდელაძე: „ათეულობით მილიონ ლარზე მეტი დაფინანსებაა წამოსული ადიგენის მიმართულებით - მუნიციპალიტეტს აუცილებლად მოელის ძალიან დიდი განვითარება“
  8. სალომე ზურაბიშვილი: „პოლიციაში და სხვაგან, ნაციონალები თავიანთ ბოლო სვლებს ახორციელებენ“
  9. ზაალ უდუმაშვილმა უკრაინაში სააკაშვილთან შეხვედრის შემდეგ განაცხადა, რომ მან „ნაციონალური მოძრაობის“ თბილისის მერობის კანდიდატობაზე მიიღო შეთავაზება
  10. ახალციხის მერი ვლადიმერ ზედგინიძე რაბათის დასახლების „ძირძველი ქართული სტილით და მესხური დარბაზებით“ აღდგენის ინიციატივით გამოდის
ბოლო სიახლეები
ამინდის პროგნოზი
ვალუტის კურსი