თავდაცვის სამინისტროს შემეცნებით-საგანმანათლებლო ცენტრში დღეს ეროვნული თავდაცვის აკადემიის სამეთაურო-საშტაბო კოლეჯის თავდაცვის ანალიზის საგანმანათლებლო სამაგისტრო პროგრამის პრეზენტაცია გაიმართა.
თავდაცვის სამინისტროს ცნობით, აკადემიის სამეთაურო-საშტაბო კოლეჯის მეთაურმა, ვიცე-პოლკოვნიკმა დავით ჩხეტიანმა საქართველოს თავდაცვის სამინისტროს, შინაგან საქმეთა სამინისტროს, სახელმწიფო უსაფრთხოების სამსახურის, სახელმწიფო უსაფრთხოებისა და კრიზისების საბჭოს, საგარეო საქმეთა სამინისტროსა და საქართველოს ეროვნული უშიშროების საბჭოს წარმოადგენელებს უწყებათაშორისი ურთიერთქმედების მნიშვნელობა, პროგრამზე მიღების პირობები, მიზანი, სწავლების შედეგები და ჩარიცხვის კვოტები გააცნო.
საქართველოს თავდაცვის მინისტრის მოადგილემ, ნუკრი გელაშვილმა პროგრამის მნიშვნეობაზე ისაუბრა და ხაზი გაუსვა აღნიშნულ პროგრამაში სხვადასხვა უწყებების წარმომადგენელბის ჩართულობის მნიშვნელობას.
სამაგისტრო პროგრამა წარმოადგენს ოფიცრის უმაღლესი სამხედრო განათლებისა და აკადემიური უმაღლესი განათლების მეორე (სამაგისტრო) საფეხურს, რომელიც უზრუნველყოფს საქართველოს შეიარაღებული ძალების ოფიცრებსა და საქართველოს სამთავრობო უწყებების თანამშრომლებში აუცილებელი კომპეტენციებისა და უნარ-ჩვევების განვითარებას.
პროგრამაზე მიიღებიან სამხედრო პირები, რომელთაც აქვთ ,,მაიორი‘‘-ს და ,,ვიცე-პოლკოვნიკი‘‘-ს სამხედრო წოდება და გავლილი აქვთ კაპიტნის საკარიერო კურსი ან მასთან გათანაბრებული სამხედრო განათლების პროგრამა და მინიჭებული აქვთ არანაკლებ ბაკალავრის აკადემიური ხარისხი და თავდაცვის სამინისტროსა და მის მიერ განსაზღვრული სხვა სახელმწიფო უწყებების წარმომადგენლები, რომელთაც აქვთ თავდაცვისა და უსაფრთხოების სფეროში მუშაობის გამოცდილება და აქვთ არანაკლებ ბაკალავრის აკადემიური ხარისხი.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.