ჭიათურის გამგებელი ზურაბ კუპატაძე ჭიათურაში სამგზავრო საბაგიროების მშენებლობის პროცესს გაეცნო. როგორც Guardian.ge-ს ჭიათურის გამგეობიდან აცნობეს, მუნიციპალიტეტის პირველი პირი ცენტრალურ, ნაგუთის, ლეჟუბნისა და ე.წ. სანატორიუმის მშენებარე სადგურებზე იმყოფებოდა.
გამგებელი სამუშაოების მიმდინარეობას გაეცნო და მშენებლებსაც გაესაუბრა. მშენებელი კომპანია ,,დაგის" მშენებლის განცხადებით, არსებული ჩამორჩენის აღმოფხვრა, რომელიც მკაცრი ზამთრის პირობებმა წარმოშვა, ეტაპობრივად ხორციელდება.
გამგეობის ინფორმაციით, ცენტრალურ სადგურზე - მიმდინარეობს საძირკველის ჩასხმის სამუშაოები. როგორც ბაგირგზების დირექტორმა, რამაზ ყიფშიძემ გამგებელს განუცხადა, სამუშაოები უწყვეტ რეჯიმში, სრული დატვირთვით მიმდინარეობს.
ნაგუთის სადგურზე - სრულდება მიწის ამოღებისა და გატანის სამუშაოები. მიმდინარეობს მასალების შეტანა. უახლოეს პერიოდში დაიწყება საძირკვლის ჩასხმის სამუშაოები.
ლეჟუბნის სადგურზე - დასრულდა საძირკვლის (ე.წ. პირველი სართული) მშენებლობა. სადგურზე აპრილის შუა პერიოდამდე, მთლიანად დასრულდება ბეტონით გათვალისწინებული სამუშაოები.
სანატორიუმის სადგურზე - მიმდინარე კვირაში დასრულდა საძირკვლის ჩასხმა - მიმდინარეობს მშენებლობის პროცესი.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.