საქართველოსა და რუმინეთის მორაგბეთა ნაკრებ გუნდებს შორის რუმინეთში გამართული შეხვედრა რუმინელების გამარჯვებით დასრულდა. (Georgian Rugby-ის Facebook-ის გვერდიდან გამოყენებული ფოტო)
თამაში „ბორჯღალოსნების“ კარგი შეტევით დაიწყო, თუმცა რუმინელებმა მე-4 წუთის დასაწყისში დაცვაში ქართველების მიერ დაშვებული შეცდომის გამო პირველი ლელოს დადება შეძლეს. გარდასახვის შესრულება ვაიკუმ ვერ მოახერხა და ანგარიში 5:0 დარჩა.
მე-10 წუთზე, შერკინების შემდეგ, რუმინელები დაჯარიმდნენ, თუმცა მერაბ კვირიკაშვილმა ჯარიმა არაზუსტად შეასრულა და ანგარიში მე-11 წუთზე უცვლელი დარჩა.
მე-19 წუთზე ვაიკუმ 45 მეტრიდან ქართველების კარში ჯარიმა არაზუსტად დაარტყა, მანვე მორიგი შერკინების დროს „ბორჯღალოსნების“ კვლავ დაჯარიმების შემდეგ, 28-ე წუთზეც ვერ გაიტანა ჯარიმა და ანგარიში ისევ 5:0 დარჩა.
37-ე წუთზე, ქართველების აქტიური შეტევის შემდეგ, მერაბ შარიქაძემ პირველი ლელო დადო, კვირიკაშვილმა გარდასახვა ზუსტად შეასრულა და ქართველი მორაგბეები 2 ქულით დაწინაურდნენ - ანგარიში 7:5 გახდა.
შეხვედრის პირველი ნახევრის ბოლო წუთზე რუმინელებმა საკმაოდ ძლიერი შეტევის განხორციელება შეძლეს, ლელოს ხაზამდე მხოლოდ 1 მეტრი აცილებდათ, მაგრამ ქართველებმაც კარგად შეძლეს თავდაცვა და მატჩის პირველი ნახევარი „ბორჯღალოსნების“ გამარჯვებით, ანაგარიშით 7:5 დასრულდა.
შეხვედრის მე-2 ნახევარში, 52- წუთზე ისევ ვაიკუმ განახორციელა საჯარიმო დარტყმა, ამჯერად ზუსტად და მასპინძლები 1 ქულით გავიდნენ წინ - 8:7.
69-ე წუთზე რუმინელები დაჯარიმდნენ, მაგრამ მერაბ კვირიკაშვილმა ჯარიმა ძელის მარცხენა მხარეს ააცილა, 73-ე წუთზე ურთულესი პოზიციიდან კვირიკაშვილმა მორიგი საჯარიმო დარტყმა განახორციელა, თუმცა ბურთი ძელს მოხვდა, შესაბამისად ანგარიში უცვლელი დარჩა.
ბოლო წუთებზე, მეტოქის ნახევარზე სამჯერ გაიმართა შერკინება, მაგრამ ქართველებმა ჯარიმა ვერ მოიპოვეს. 81-ე წუთზე "ბორჯღალოსნები" თავად დაჯარიმდნენ, რუმინელებმა თამაში კიდეზე გადაიტანეს და მსაჯმა თამაშიც დაასრულა. ქართველები 1 ქულით, 8-7 დამარცხდნენ.
თამაშის პირდაპირი ტრანსლაცია საქართველოს საზოგადოებრივმა მაუწყებელმა განახორციელა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.