საქართველოს პარლამენტში ირაკლი კობახიძისა და ნორდიკულ-ბალტიური რვიანის წევრი ქვეყნების პარლამენტების თავმჯდომარეებისა და ვიცე სპიკერების შეხვედრა გაიმართა.
„ეს არის ისტორიული ღონისძიება, რომელიც ერთად კრებს ჩვენი პარტნიორი ქვეყნების მაღალი დონის წარმომადგენლებს, რომლებიც ჩვენს საერთო ინტერესებთან დაკავშირებულ საკითხებზე ისაუბრებენ და სასარგებლო გადაწყვეტილებებს მიიღებენ“, პარლამენტის პრესსამსახურის ცნობით, ასე მიმართა საქართველოს პარლამენტის თავმჯდომარემ ნორდიკულ-ბალტიური რვიანის წევრი ქვეყნების საპარლამენტო დელეგაციებს.
ირაკლი კობახიძემ რვიანის წევრი ქვეყნების პარლამენტების თავმჯდომარეებსა და ვიცესპიკერებს მადლობა გადაუხადა საქართველოს სუვერენიტეტისა და ტერიტორიული მთლიანობის, ასევე, ქვეყნის ევროპული და ევროატლანტიკური მისწრაფებების მტკიცე მხარდაჭერისთვის.
„ნება მომეცით, გამოვხატო ჩემი გულითადი მადლიერება ნორდიკულ-ბალტიური რვიანის თითოეული წევრისადმი დემოკრატიის, კარგი მმართველობის, და კანონის უზენაესობის ფუნდამენტური ღირებულებების მიმართ თქვენი მნიშვნელოვანი კონტრიბუციისთვის. უზომოდ მადლიერები ვართ იმ ყურადღებისთვის, რომელსაც ნორდიკულ-ბალტიური რვიანი საქართველოსთვის ძალიან მნიშვნელოვან საკითხებზე იჩენს“, განაცხადა ირაკლი კობახიძემ.
ლატვიის რესპუბლიკის სეიმის თავმჯდომარემ, ინარა მურნიეცემ საქართველოს პარლამენტის თავმჯდომარეს მასპინძლობისთვის მადლობა გადაუხადა. მისი განცხადებით, ნორდიკულ-ბალტიური რვიანის წევრი ქვეყნების საპარლამენტო დელეგაციების ერთობლივი ვიზიტი საქართველოს მიმართ მტკიცე მხარდაჭერის დემონსტრირებაა.
„ნორდიკულ-ბალტიური რვიანი არის რეგიონალური თანამშრომლობის უნიკალური ფორმატი, რომელიც ჩვენს საერთო დღის წესრიგზეა დაფუძნებული, ჩვენ ღია ვართ დიალოგისთვის ჩვენს პარტიორებთან და რა თქმა უნდა, საქართველოსთან. ნორდიკულ-ბალტიურ რვიანს საქართველოსთან შესანიშნავი პარტიორობა და მეგობრობა აკავშირებს. ჩვენი ერთობლივი ვიზიტი არის დემონსტრირება ჩვენი მხარდაჭერისა საქართველოს მიმართ. ყველა სახელმწიფოს აქვს უფლება, გააკეთოს დამოუკიდებელი და სუვერენული არჩევანი საგარეო და უსაფრთხოების პოლიტიკასთან დაკავშირებით, საგარეო ზეწოლის გარეშე. საქართველო არის ნატოს და ევროკავშირის ერთ-ერთი უახლოესი პარტნიორი. ჩვენ მივესალმებით საქართველოს არჩევანს და ვაგრძელებთ მისი ევროატლანტიკური მისწრაფებების მყარ მხარდაჭერას“, - განაცხადა ინარა მურნიეცემ.
დღესვე, საქართველოს პარლამენტის თავმჯდომარე და მისი კოლეგები პრესისთვის ერთობლივ განცხადებას გააკეთებენ.
ნორდიკულ-ბალტიური რვიანის წევრი ქვეყნების საპარლამენტო დელეგაციები საქართველოს პარლამენტში შეხვედრებს აგრძელებენ. ვიზიტის ფარგლებში, დაგეგმილია შეხვედრა საგარეო ურთიერთობათა და ევროპასთან ინტეგრაციის კომიტეტებთან და ფრაქციების წარმომადგენლებთან.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.