საქართველოს პრეზიდენტი გიორგი მარგველაშვილი ნორდიკულ-ბალტიური რვიანის წევრი ქვეყნების პარლამენტების თავმჯდომარეებს და ვიცესპიკერებს შეხვდა.
პრეზიდენტის ადმინისტრაციის ცნობით, გიორგი მარგველაშვილმა მადლობა გადაუხადა პარლამენტის თავმჯდომარეებს საქართველოს მხარდაჭერისათვის იმ მნიშვნელოვან საკითხებთან დაკავშირებით, როგორიცაა საქართველოს ტერიტორიული მთლიანობა და სუვერენიტეტი, ევროპული და ევროატლანტიკური ინტეგრაცია.
პრეზიდენტმა ასევე მადლობა გადაუხადა სტუმრებს სოფელ ნადარბაზევსა და ხურვალეთში ადმინისტრაციულ ხაზთან ვიზიტისათვის, სადაც არსებულ ვითარებას გაეცნენ.
ასევე მიმოხილული იყო უსაფრთხოების გარემო, ოკუპირებულ ტერიტორიებზე შექმნილი ვითარება და ის ნაბიჯები, რაც ბოლო პერიოდში რუსეთის ფედერაციამ საქართველოს ოკუპირებულ ტერიტორიებთან დაკავშირებით გადადგა.
შეხვედრისას საუბარი შეეხო ბალტიისა და შავი ზღვის რეგიონებს შორის თანამშრომლობის განვითარებას და იმ კონკრეტულ პროექტებს, რომლებმაც ხელი უნდა შეუწყონ ამ თანამშრომლობის გაღრმავებას.
„უაღრესად მნიშვნელოვანია, რომ #NB8 ფორმატის წლევანდელი შეხვედრა ტარდება თბილისში. თავისთავად ეს ფორმატი უაღრესად მნიშვნელოვანია, რადგან ეს ჯგუფი საქართველოს ერთერთი მხარდამჭერი ჯგუფია.
საუბარი ასევე შეეხო საქართველოს ევროპული და ევრო-ატლანტიკური ინტეგრაციის შემდგომ პერსპექტივებს და იმ ნაბიჯებს, რომლებიც ჩვენ ერთად უნდა გადავდგათ პარტნიორებთან ერთად“, - განაცხადა თენგიზ ფხალაძემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.